ಮಣಿಪಾಲದಲ್ಲಿ ಮತ್ತೆ ಚಿರತೆ ಪ್ರತ್ಯಕ್ಷ - ಸ್ಥಳೀಯರಲ್ಲಿ ಆತಂಕ

•   Thu, Feb 28 2019 11:40:32 AM



• ಮಣಿಪಾಲ,ಫೆ 28(MSP): ಮಣಿಪಾಲ ವಿದ್ಯಾರತ್ನ ನಗರದಲ್ಲಿನ ಮನೆಯೊಂದರ ಗೇಟ್ ಬಳಿ ಚಿರತೆಯೊಂದು ಪ್ರತ್ಯಕ್ಷವಾಗಿದೆ. ಚಿರತೆ ಗೇಟ್ ಬಳಿ ನಡೆದಾಡುತ್ತಿರುವ ದೃಶ್ಯ ಸಿಸಿ ಟಿವಿಯಲ್ಲಿ ಸೆರೆಯಾಗಿದೆ. ಇದರಿಂದ ಸ್ಥಳೀಯರಲ್ಲಿ ಆತಂಕ ವಾತಾವರಣ ನಿರ್ಮಾಣವಾಗಿದೆ.

  

  ಇಲ್ಲಿನ ನಿವಾಸಿಯಾಗಿರುವ ಕೆಎಂಸಿ ಕಾರ್ಟರ್ಸ್‌ ಸಮೀಪ ನಿವೃತ್ತ ಪ್ರಾಧ್ಯಾಪಕ ಬಿ.ಜಿ. ಮೋಹನ್‌ದಾಸ್‌ ಅವರ ಮನೆಯ ಮುಂದೆ ಫೆ. 26ರಂದು ರಾತ್ರಿ 7.50ರ ಸುಮಾರಿಗೆ ಚಿರತೆ ಪ್ರತ್ಯಕ್ಷವಾಗಿದ್ದು, ಅವರ ಮನೆಗೆ ಅಳವಡಿಸಿರುವ ಸಿಸಿ ಕೆಮರಾದಲ್ಲಿ ಚಿರತೆ ಗೇಟ್‌ ಬಳಿ ಬಂದು ಒಳಗೆ ಪ್ರವೇಶಿಸಲು ಪ್ರಯತ್ನಿಸುತ್ತಿರುವ ದೃಶ್ಯ ಸೆರೆಯಾಗಿದೆ.

  ಚಿರತೆ ಓಡಾಟದಿಂದ ಮನೆಯ ಎರಡು ನಾಯಿಗಳು ಜೋರಾಗಿ ಬೊಗಳಲು ಆರಂಭಿವೆ. ನಾಯಿಯನ್ನು ಹಿಡಿಯಲು ಗೇಟ್ ಹೊರಗೆ ಪ್ರಯತ್ನಿಸುತ್ತಿದ್ದಾಗ ಮನೆಯವರು ಬೊಬ್ಬೆ ಹೊಡೆದಿದ್ದಾರೆ. ಬಳಿಕ ಚಿರತೆ ಮುಂದಕ್ಕೆ ಓಡಿ ಮರೆಯಾಗಿದೆ.