ಕಾಸರಗೋಡು: ಎಂಡಿಎಂಎ ಮಾದಕ ವಸ್ತು ಸಾಗಾಟ-ಮೂವರ ಬಂಧನ

•   Tue, Nov 29 2022 10:27:10 PM



• ಕಾಸರಗೋಡು, ನ 29 (DaijiworldNews/SM): ಎಂಡಿಎಂಎ ಮಾದಕ ವಸ್ತು ಸಹಿತ ಮೂವರನ್ನು ಮಂಜೇಶ್ವರ ಠಾಣಾ ಪೊಲೀಸರು ಬಂಧಿಸಿದ್ದು, ಸ್ಕೂಟರನ್ನು ವಶಪಡಿಸಿಕೊಂಡಿದ್ದಾರೆ.

  ಉಪ್ಪಳ ಕೋಡಿಬೈಲ್ ನ ಮುಹಮ್ಮದ್ ಕಾಸಿಂ(43), ಮಂಜೇಶ್ವರ ಮಚ್ಛಂಪಾಡಿಯ ಅಬ್ದುಕ್ ನವಾಜ್(28) ಮತ್ತು ಉಪ್ಪಳ ಬಪ್ಪಾಯಿತ್ತೊಟ್ಟಿಯ ಮುಹಮ್ಮದ್ ನಾಸಿರ್(33) ಬಂಧಿತರು. ಇವರ ಬಳಿಯಿಂದ 18. 2 ಗ್ರಾಂ ಎಂ . ಡಿ . ಎಂ ಎ ಮಾದಕ ವಸ್ತುವನ್ನು ವಶಪಡಿಸಿಕೊಳ್ಳಲಾಗಿದೆ.

  ಸೋಮವಾರ ರಾತ್ರಿ ಉಪ್ಪಳ ಮಣ್ಣಂಗುಯಿ ಸ್ಟೇಡಿಯಂ ಬಳಿ ಇವರನ್ನುಬಂಧಿಸಿ ಮಾದಕವಸ್ತುವನ್ನು ವಶಪಡಿಸಿಕೊಳ್ಳಲಾಗಿದೆ. ಸ್ಕೂಟರನ್ನು ತಪಾಸಣೆ ನಡೆಸಿದಾಗ ಮಾದಕ ವಸ್ತು ಪತ್ತೆಯಾಗಿದೆ. ಪೊಲೀಸರಿಗೆ ಲಭಿಸಿದ ಖಚಿತ ಮಾಹಿತಿಯಂತೆ ಕಾರ್ಯಾಚರಣೆ ನಡೆಸಲಾಯಿತು. ತಂಡವೊಂದಕ್ಕೆ ಹಸ್ತಾಂ ತರಿಸಲು ತಲಪಿದ್ದಾಗಿ ಬಂಧಿತರು ತಪ್ಪೊಪ್ಪಿಕೊಂಡಿದ್ದಾರೆ.