ನಂಬರ್ ಪ್ಲೇಟ್ ಇಲ್ಲದ ಕಾರಿನಲ್ಲಿ ಓಡಾಟ: ಮಂಗಳೂರಿನ ನಾಲ್ವರ ಬಂಧನ

•   Tue, Oct 31 2017 09:48:42 AM



• 
  ಕಾಸರಗೋಡು ಅ31: ರಾತ್ರಿಹೊತ್ತು ನಂಬರ್ ಪ್ಲೇಟ್ ಇಲ್ಲದ ಕಾರಿನಲ್ಲಿ ಸಂಶಯಾಸ್ಪದವಾಗಿ ಸಂಚರಿಸುತ್ತಿದ್ದ ನಾಲ್ವರನ್ನು ಕುಂಬಳೆ ಪೋಲಿಸರು ಬಂಧಿಸಿ ಕಾರನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ.
  ಬಂಧಿತರನ್ನು ಮಂಗಳೂರಿನ ಉಚ್ಚಿಲ ನಿವಾಸಿಗಳಾದ ತೌಸಿಫ್ (26) ಇಬ್ರಾಹಿಂ ರಿಸ(21) ಮೊಹಮ್ಮದ್ ಆಶಿಕ್(22) ಮೊಹಮ್ಮದ್ ಇಕ್ವಾನ್(23) ಎಂದು ಗುರುತಿಸಲಾಗಿದೆ.

  

  
  ರಾತ್ರಿ 10 ಗಂಟೆಗೆ ಕಾಸರಗೋಡು-ಮಂಗಳೂರು ಹೆದ್ದಾರಿಯ ಆರಿಕ್ಕಾಡಿ ಎಂಬಲ್ಲಿ ಅಡಿಶನಲ್ ಎಸ್ ಐ ಶಿವದಾಸನ್ ನೇತೃತ್ವದಲ್ಲಿ ಪೋಲಿಸ್ ತಪಾಸಣೆಯ ವೇಳೆ ತಲಪಾಡಿ ಭಾಗದಿಂದ ಬಂದ ಮಾರುತಿ ೮೦೦ ಕಾರಿನಲ್ಲಿ ಆಗಮಿಸಿದ ಬಂಧಿತರು ಕಾರಿನ ನಂಬರ್ ಪ್ಲೇಟಿನ ಬಗ್ಗೆ ತಧ್ವಿರುದ್ಧ ಹೇಳಿಕೆಗಳನ್ನು ನೀಡಿದ್ದಾರೆ. ಸಂಶಯಗೊಂಡ ಪೋಲಿಸರು ಹೆಚ್ಚಿನ ತನಿಖೆಗಾಗಿ ಇವರನ್ನು ಸ್ಥಳದಲ್ಲೇ ಬಂಧಿಸಿದ್ದಾರೆ.

  ಇತ್ತೀಚಿಗಿನ ದಿನಗಳಲ್ಲಿ ಮಂಗಳೂರು ಹಾಗೂ ಕಾಸರಗೋಡಿನ ಗಡಿ ಪ್ರದೇಶಗಳಲ್ಲಿ ಆಕ್ರಮ ಚಟುವಟಿಕೆಗಳು ಹೆಚ್ಚಾಗಿದ್ದು ಈ ನಿಟ್ಟಿನಲ್ಲಿ ಕೇರಳ ಸರಕಾರ ಈ ಪ್ರದೇಶಗಳಲ್ಲಿ ಹೆಚ್ಚಿನ ಪೋಲಿಸ್ ತಪಾಸಣೆ ಹಾಗೂ ಬಂದೋಬಸ್ತ್ ಗೆ ಆದೇಶವಿತ್ತಿದೆ.