ಬಂಟ್ವಾಳ: ವ್ಯಕ್ತಿಗೆ ಜಾತಿ ನಿಂದನೆ, ಹಲ್ಲೆ ನಡೆಸಿ ಕೊಲೆ ಬೆದರಿಕೆ-ಪ್ರಕರಣ ದಾಖಲು

•   Mon, Nov 07 2022 08:21:17 PM



• ಬಂಟ್ವಾಳ, ನ 07 (DaijiworldNews/SM): ವ್ಯಕ್ತಿಯೋರ್ವನಿಗೆ ಜಾತಿ ನಿಂದನೆ ಮಾಡಿದ್ದಲ್ಲದೆ ಹಲ್ಲೆ ನಡೆಸಿ, ಕೊಲೆ ಬೆದರಿಕೆ ಹಾಕಿದ ಬಗ್ಗೆ ವಿಟ್ಲ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಪರಿಯಲ್ತಡ್ಕ ನಿವಾಸಿ ಪಿಜಿನ ಎಂಬಾತನ ಮೇಲೆ ಸಹೋದರಿಬ್ಬರ ಜೊತೆ ಅವರ ಸ್ನೇಹಿತ ಸೇರಿಕೊಂಡು ಹಲ್ಲೆ ನಡೆಸಿದ್ದಾರೆ ಎಂದು ದೂರು ನೀಡಿದ್ದಾರೆ.

  ಪುಣಚ ಗ್ರಾಮದ ಪರಿಯಲ್ತಡ್ಕ ಎಂಬಲ್ಲಿ ಅಂಗಡಿಗೆ ಹೋಗಿ ವಾಪಾಸು ಬರುವ ವೇಳೆ ‌ಆದರ್ಶ ಹಾಗೂ ಆತನ ಸಹೋದರ ರಾಕೇಶ್ ಹಾಗೂ ಅವರ ಸ್ನೇಹಿತ ಕೃಷ್ಣಪ್ಪ ಸೇರಿಕೊಂಡು ಕೀಳು ಪದ ಬಳಸಿ ನಿಂದನೆಗೈದು, ಹಲ್ಲೆ ನಡೆಸಿ ಬಳಿಕ ಕೊಲ್ಲುವ ಬೆದರಿಕೆ ಹಾಕಿದ್ದಾರೆ.

  ಘಟನೆಯಲ್ಲಿ ಗಾಯಗೊಂಡ ಪಿಜಿನ ಅವರು ಪುತ್ತೂರು ಸರಕಾರಿ ಆಸ್ಪತ್ರೆ ಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.