ಉಡುಪಿ: ಟೆಂಪೋ ಢಿಕ್ಕಿ; ಸ್ಕೂಟರ್‌ ಸವಾರರಿಗೆ ಗಂಭೀರ ಗಾಯ -ದೂರು ದಾಖಲು

•   Sat, Nov 05 2022 12:48:59 PM



• ಉಡುಪಿ, ನ 05 (DaijiworldNews/MS): ರಾ.ಹೆ 66 ರಲ್ಲಿ ಬಲಾಯಿಪಾದೆ ಜಂಕ್ಷನ್ ಬಳಿ ಸ್ಕೂಟರ್‌ಗೆ 407 ಟೆಂಪೋ ಢಿಕ್ಕಿ ಹೊಡೆದ ಪರಿಣಾಮ ಸ್ಕೂಟರ್ ಚಾಲಕ ಆಂಡ್ರೋ ಮಥಾಯಿಸ್ ಹಾಗೂ ಹಿಂಬದಿ ಕುಳಿತಿದ್ದ ಅವರ ಪತ್ನಿ ವಿಲ್ಮಾ ಮಥಾಯಿಸ್ ಗೆ ಗಂಭೀರ ಗಾಯಗಳಾಗಿವೆ.

  ನವೆಂಬರ್ 4 ರಂದು ಬೆಳಗ್ಗೆ 11:15 ಕ್ಕೆ ಆಂಡ್ರೋ ಮಥಾಯಿಸ್ ಹಾಗೂ ಅವರ ಪತ್ನಿ ವಿಲ್ಮಾ ಮಥಾಯಿಸ್ ಉಡುಪಿಯಿಂದ ಶಂಕರಪುರ ಕಡೆಗೆ ಪ್ರಯಾಣಿಸುತ್ತಿದ್ದ ವೇಳೆ ಶಂಕರಪುರ ಕಡೆಯಿಂದ ಬಲಾಯಿಪಾದೆ ಜಂಕ್ಷನ್ ಕಡೆಗೆ ಬರುತ್ತಿದ್ದ 407 ಟೆಂಪೋ ಚಾಲಕನ ಅಜಾಗರೂಕತೆ ಮತ್ತು ನಿರ್ಲಕ್ಷತನದಿಂದ ಎದುರು ಗಡೆ ಬರುತ್ತಿದ್ದ ಸ್ಕೂಟರ್‌ಗೆ ಢಿಕ್ಕಿ ಹೊಡೆದಿದೆ. ಪರಿಣಾಮವಾಗಿ ಸ್ಕೂಟರ್ ಸವಾರ ಹಾಗೂ ಹಿಂಬದಿ ಕುಳಿತಿದ್ದ ಅವರ ಪತ್ನಿ ರಸ್ತೆಗೆ ಎಸೆಯಲ್ಪಟ್ಟು ಗಂಭೀರ ಗಾಯಗೊಂಡಿರುತ್ತಾರೆ. ಗಾಯಳುಗಳು ಹೈಟೆಕ್ ಆಸ್ಪತ್ರೆಯಲ್ಲಿ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಆಂಡ್ರೋ ಮಥಾಯಿಸ್ ಸಹೋದರ ಉಡುಪಿ ಸಂಚಾರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.