ಬಂಟ್ವಾಳ: ನಾವೂರು ಗ್ರಾಪಂ ದೇವಶ್ಯಪಡೂರು ವಾರ್ಡ್‌ನ ತೆರವಾದ ಸ್ಥಾನಕ್ಕೆ ಚುನಾವಣೆ-ಶೇ. 81 ಮತದಾನ

•   Fri, Oct 28 2022 08:20:51 PM



• ಬಂಟ್ವಾಳ, ಅ 28 (DaijiworldNews/DB): ನಾವೂರು ಗ್ರಾಪಂನ ದೇವಶ್ಯಪಡೂರು ವಾರ್ಡ್‌ನ ತೆರವಾದ ಒಂದು ಸ್ಥಾನಕ್ಕೆ ಶುಕ್ರವಾರ ನಡೆದ ಉಪ ಚುನಾವಣೆ ಯಲ್ಲಿ ಶೇ. 81 ಮತದಾನವಾಗಿದೆ. ವಾರ್ಡ್‌ನ 1070 ಮತದಾರರ ಪೈಕಿ 872 ಮತದಾರರು ಮತ ಚಲಾಯಿಸಿದ್ದಾರೆ.

  ಇಂದು ನಡೆದ ಚುನಾವಣೆಯಲ್ಲಿ ಕಾಂಗ್ರೆಸ್ ಬೆಂಬಲಿತ ಸದಸ್ಯೆ ಸುಮಿತ್ರಾ ಮೋಹನ್ ಹಾಗೂ ಬಿಜೆಪಿ ಬೆಂಬಲಿತ ಸದಸ್ಯೆ ಅಪ್ಪಿ ಯವರ ನಡುವೆ ನೇರ ಸ್ಪರ್ಧೆ ಏರ್ಪಟ್ಟಿದೆ. ಕಾಂಗ್ರೆಸ್ ಬೆಂಬಲಿತ ಸದಸ್ಯೆಯಾಗಿದ್ದ ಜ್ಯೋತಿ ಅವರ ನಿಧನದಿಂದ ತೆರವಾದ ಸ್ಥಾನಕ್ಕೆ ಇಂದು ಚುನಾವಣೆ ನಡೆದಿದೆ.

  ನಾವೂರು ಗ್ರಾ.ಪಂ.ನ ಒಟ್ಟು 17 ಸ್ಥಾನಗಳ ಪೈಕಿ, ಕಾಂಗ್ರೆಸ್ ಬೆಂಬಲಿತ 10 ಸದಸ್ಯರು ಹಾಗೂ 7 ಬಿಜೆಪಿ ಬೆಂಬಲಿತ ಸದಸ್ಯರಿದ್ದರು. ಈ ಪೈಕಿ ಕಾಂಗ್ರೆಸ್ ಬೆಂಬಲಿತ ಓರ್ವ ಸದಸ್ಯರು ಬಿಜೆಪಿ ಸೇರ್ಪಡೆಯಾಗಿದ್ದು, ಇನ್ನೋರ್ವ ಕಾಂಗ್ರೆಸ್ ಬೆಂಬಲಿತ ಸದಸ್ಯೆ ಅಕಾಲಿಕವಾಗಿ ನಿಧನರಾಗಿದ್ದಾರೆ. ಈ ಹಿನ್ನೆಲೆಯಲ್ಲಿ 8-8 ಸಮಬಲ ಪಡೆದುಕೊಂಡಿದ್ದು, ಇಂದು ನಡೆದ ಚುನಾವಣೆಯ ಗೆಲುವು ಎರಡೂ ಪಕ್ಷಗಳಿಗೂ ಮಹತ್ವದ್ದು ಎಂದೆನಿಸಿದೆ.