ಉಡುಪಿ: ಕಾರಿನ ಮೇಲೆ ಪಟಾಕಿ ಸಿಡಿಸಿ ಹುಚ್ಚಾಟ-ಆರೋಪಿ ವಿಶಾಲ್ ಕೊಹ್ಲಿ ಬಂಧನ

•   Thu, Oct 27 2022 08:09:02 PM



• ಉಡುಪಿ, ಅ 27 (DaijiworldNews/SM): ಕಾರಿನ ಮೇಲೆ ಪಟಾಕಿ ಸಿಡಿಸಿ ದುಸ್ಸಾಹಸ ತೋರಿದ ಯುವಕನನ್ನು ಕಾರು ಸಹಿತ ಉಡುಪಿ ಪೊಲೀಸರು ವಶಕ್ಕೆ ಪಡೆದುಕೊಂಡ ಘಟನೆ ಗುರುವಾರ ಸಂಜೆ ನಡೆದಿದೆ. ವಿಶಾಲ್ ಕೊಹ್ಲಿ (26) ಬಂಧಿತ ಯುವಕನಾಗಿದ್ದಾನೆ.

  ವಿಶಾಲ್ ಕೊಹ್ಲಿ ಕಾರಿನ ಮೇಲೆ ಪಟಾಕಿ ಸಿಡಿಸಿ ಅಡ್ಡಾದಿಡ್ಡಿ ಕಾರು ಚಲಾಯಿಸಿದ್ದ. ಇದೀಗ ಕಾರು ಸಹಿತ ಚಾಲಕನನ್ನು ವಶಕ್ಕೆ ಪಡೆದುಕೊಳ್ಳಲಾಗಿದೆ. ಮಣಿಪಾಲದ ಜಿಲ್ಲಾಧಿಕಾರಿ ಕಚೇರಿ ರಸ್ತೆಯಲ್ಲಿ ಯುವಕ ದುಸ್ಸಾಹಸ ಮೆರೆದಿದ್ದ. ದೀಪಾವಳಿ ಸಂದರ್ಭ ಹುಚ್ಚಾಟ ತೋರಿದ್ದ. ಯುವಕನ ಹುಚ್ಚಾಟದ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಮಣಿಪಾಲದ ಸೆಲೂನ್ ಒಂದರಲ್ಲಿ ವಿಶಾಲ್ ಕೆಲಸಕ್ಕಿದ್ದ ಎಂದು ತಿಳಿದುಬಂದಿದೆ.

  
  ಪ್ರಕರಣದ ಕುರಿತಂತೆ ಮಣಿಪಾಲ ಠಾಣೆಯಲ್ಲಿ ಎಫ್‌ಐಆರ್ ದಾಖಲಾಗಿದೆ.