ಉಡುಪಿಯಲ್ಲೂ ಗೋಚರಿಸಿದ ಸೂರ್ಯ ಗ್ರಹಣ - ನೂರಾರು ಮಂದಿಯಿಂದ ವೀಕ್ಷಣೆ

•   Tue, Oct 25 2022 07:35:33 PM



• ಉಡುಪಿ: ಅ 25 (daijiworldNews/SM): ಉಡುಪಿಯಲ್ಲಿ ಕೂಡಾ ಸೂರ್ಯ ಗ್ರಹಣ ಗೋಚರವಾಗಿದ್ದು, ನೂರಾರು ಮಂದಿ ಸೂರ್ಯಗ್ರಹಣವನ್ನು ವೀಕ್ಷಿಸಿದರು. ಪೂರ್ಣಪ್ರಜ್ಞ ಅಮೆಚೂರ್ ಆಸ್ಟ್ರೋನೊಮರ್ಸ್ ಕ್ಲಬ್ ನೇತೃತ್ವದಲ್ಲಿ ಮಲ್ಪೆ ಅಭಿವೃದ್ಧಿ ಸಮಿತಿ ಮತ್ತು ಪೂರ್ಣಪ್ರಜ್ಞ ಕಾಲೇಜು ಹಳೆ ವಿದ್ಯಾರ್ಥಿ ಸಂಘದ ವತಿಯಿಂದ ಇಂದು ಮಲ್ಪೆ ಬೀಚ್ ನಲ್ಲಿ ಆಯೋಜಿಸಲಾದ ಸೂರ್ಯ ಗ್ರಹಣ ವೀಕ್ಷಣೆ ಕಾರ್ಯಕ್ರಮದಲ್ಲಿ ಶಾಸಕರಾದ ಕೆ. ರಘುಪತಿ ಭಟ್ ರವರು ಭಾಗವಹಿಸಿ ಸೂರ್ಯ ಗ್ರಹಣ ವೀಕ್ಷಿಸಿದರು.

   

  

  

  

  

  

  

  

   

   

  ಅತ್ಯಾಧುನಿಕ ಟೆಲಿಸ್ಕೋಪ್ ಸೌಲಭ್ಯದ ಮೂಲಕ ಗ್ರಹಣ ವೀಕ್ಷಣೆಗೆ ಇಲ್ಲಿ ಅವಕಾಶ ಮಾಡಿಕೊಡಲಾಗಿತ್ತು. ಮಾತ್ರವಲ್ಲದೇ ಸೌರ ಕನ್ನಡಕದ ವ್ಯವಸ್ಥೆ ಯ ಮೂಲಕವೂ ನೂರಾರು ಮಂದಿ ಸಾರ್ವಜನಿಕರು ಸೂರ್ಯ ಗ್ರಹಣವನ್ನು ವೀಕ್ಷಿಸಿದರು. ಗ್ರಹಣ ಕಾಲದಲ್ಲಿ ಶ್ರೀ ಕೃಷ್ಣ ಮಠದಲ್ಲಿ ಧ್ಯಾನ, ಜಪ, ಪಾರಾಯಣಗಳು ನಡೆದವು. ಗ್ರಹಣ ಮುಗಿಯುತ್ತಿದ್ದಂತೆ ಮದ್ವ ಸರೋವರದಲ್ಲಿ ಯತಿಗಳು, ಭಕ್ತರಿಂದ ಪುಣ್ಯ ಸ್ನಾನವು ಜರಗಿತು. ಇನ್ನು ಉಡುಪಿಯ ಪರ್ಕಳದಲ್ಲಿ ಕೂಡಾ ಸಾರ್ವಜನಿಕರಿಗೆ ಸೂರ್ಯ ಗ್ರಹಣ ವೀಕ್ಷಣೆಗೆ ವ್ಯವಸ್ಥೆ ಮಾಡಲಾಗಿತ್ತು.