ಉಡುಪಿ: ಯುವಕರ ಕೈಯಲ್ಲರಳಿದ ಬಿದಿರಿನ ಗೂಡುದೀಪ

•   Mon, Oct 24 2022 01:19:05 PM



• ಉಡುಪಿ, ಅ 24 (DaijiworldNews/DB): ಎಲ್ಲೆಲ್ಲಿಯೂ ಈಗ ದೀಪಾವಳಿಯದ್ದೇ ಸಡಗರ. ಮನೆಮನೆಗಳಲ್ಲಿ ಗೂಡುದೀಪಗಳ ಅಲಂಕಾರ ಕಣ್ಮನ ಸೆಳೆಯುತ್ತಿವೆ. ಉಡುಪಿ ಜಿಲ್ಲೆಯ ಕೋಟೆ ಗ್ರಾಮದ ಮಟ್ಟುವಿನಲ್ಲಿ ಯುವಕರ ಕೈಚಳಕದಿಂದ ಮೂಡಿಬಂದ ಗೂಡುದೀಪವೊಂದು ಎಲ್ಲರ ಗಮನ ಸೆಳೆಯುತ್ತಿದೆ.

  ಮಟ್ಟುವಿನ ಹಿರಿಯ ಮಟ್ಟು ಗುಳ್ಳ ಬೆಳೆಗಾರರಾದ ಲಕ್ಷ್ಮಣ್ ಅವರ ಪುತ್ರರಾದ ಅಮಿತ್ ಮತ್ತು ನಿಶ್ಚಿತ್ ಬಿದಿರಿನಿಂದ ಗೂಡುದೀಪವನ್ನು ತಯಾರಿಸಿದ್ದು, ಸದ್ಯ ಈ ಗೂಡುದೀಪ ಆಕರ್ಷಣೆಯ ಕೇಂದ್ರ ಬಿಂದುವಾಗಿದೆ. ಗೂಡುದೀಪದಲ್ಲಿ ಆಕರ್ಷಕ ಡಿಸೈನ್‌ಗಳನ್ನು ಮಾಡಲಾಗಿದ್ದು, ನೋಡುಗರ ಗಮನ ಸೆಳೆಯುತ್ತಿದೆ.

  ಈ ಗೂಡುದೀಪ ಗಾತ್ರದಲ್ಲಿಯೂ ಉದ್ದವಾಗಿದ್ದು, ಇದರ ವೈಶಿಷ್ಟ್ಯ ಮತ್ತು ಶೈಲಿ, ಡಿಸೈನ್‌ಗಳನ್ನು ನೋಡಿದ ಜನ ಯುವಕರ ಶ್ರಮಕ್ಕೆ ಹ್ಯಾಟ್ಸಾಪ್ ಎನ್ನುತ್ತಿದ್ದಾರೆ. ಅಲ್ಲದೆ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.