ಮಂಗಳೂರು: ಅನುಮಾನಾಸ್ಪದ ತಿರುಗಾಟ - ಇಬ್ಬರು ಪೊಲೀಸ್ ವಶಕ್ಕೆ

•   Sat, Oct 15 2022 11:05:41 AM



• ಮಂಗಳೂರು, ಅ 15 (DaijiworldNews/HR): ಅನುಮಾನಾಸ್ಪದ ಚಲನವಲನಗಳ ಮೇಲೆ ಮಂಗಳೂರು ಪೂರ್ವ ಪೊಲೀಸರು ಕಾಸರಗೋಡಿನ ಅಬ್ದುಲ್ ರಹಮಾನ್ (32) ಮತ್ತು ಸಾಗರದ ವಿಜಯ್ (32) ಅವರನ್ನು ನಗರದ ತಾರೆತೋಟದ ಗ್ಯಾರೇಜ್ ಬಳಿ ಬಂಧಿಸಿದ್ದಾರೆ.

  

  ಅಕ್ಟೋಬರ್ 13ರಂದು ಪೊಲೀಸರು ಮುಂಜಾನೆ 2.45ರ ಸುಮಾರಿಗೆ ದಸ್ತು ತಿರುಗುತ್ತಿದ್ದಾಗ ಇಬ್ಬರು ವ್ಯಕ್ತಿಗಳು ಅನುಮಾನಾಸ್ಪದವಾಗಿ ಚಲಿಸುತ್ತಿರುವುದನ್ನು ನೋಡಿದ್ದು, ಅವರನ್ನು ಪ್ರಶ್ನಿಸಿದಾಗ ಇಬ್ಬರೂ ಸರಿಯಾದ ಉತ್ತರ ನೀಡಲಿಲ್ಲ.

  ಇನ್ನು ಇಬ್ಬರೂ ಅಪರಾಧ ಕೃತ್ಯ ನಡೆಸಲು ಸಂಚು ರೂಪಿಸಿದ್ದರು ಎಂದು ಶಂಕಿಸಲಾಗಿದ್ದು, ಅವರನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.