ಉಡುಪಿ: 'ತ್ರಿಶಾ ಕ್ಲಾಸಸ್'ನಿಂದ ದ್ವಿತೀಯ ಪಿಯುಸಿ ವಿದ್ಯಾರ್ಥಿಗಳಿಗಾಗಿ ಉಚಿತ ಆನ್ಲೈನ್ ಕ್ರ್ಯಾಶ್ ಕೋರ್ಸ್ ಆರಂಭ

•   Sun, Oct 02 2022 11:43:25 AM



• ಉಡುಪಿ, ಅ 02 (DaijiworldNews/DB): ಕಳೆದ 24 ವರ್ಷಗಳಿಂದ ಕರಾವಳಿ ಭಾಗದಲ್ಲಿ ವಾಣಿಜ್ಯ ಶಿಕ್ಷಣಕ್ಕೆ ಪ್ರಸಿದ್ಧಿ ಪಡೆದಿರುವ 'ತ್ರಿಶಾ ಕ್ಲಾಸಸ್' ವತಿಯಿಂದ ದ್ವಿತೀಯ ಪಿಯುಸಿ ವಿದ್ಯಾರ್ಥಿಗಳಿಗಾಗಿ ಉಚಿತ ಆನ್ಲೈನ್ ಕ್ರ್ಯಾಶ್ ಕೋರ್ಸ್ ಆರಂಭವಾಗಲಿದೆ.

  ದ್ವಿತೀಯ ಪಿಯುಸಿ ಅಂತಿಮ ಪರೀಕ್ಷೆಗಾಗಿ ತಯಾರಿ ನಡೆಸುತ್ತಿರುವ ವಿದ್ಯಾರ್ಥಿಗಳಿಗಾಗಿ ತ್ರಿಶಾ ಸಂಸ್ಥೆಯು ಈ ಕ್ರ್ಯಾಶ್ ಕೋರ್ಸನ್ನು ಆರಂಭಿಸುತ್ತಿದ್ದು ಅಕೌಂಟೆನ್ಸಿ, ಸ್ಟಾಟ್ಸ್, ಬೇಸಿಕ್ ಮ್ಯಾಥ್ಸ್ ಈ ಮೂರು ವಿಷಯಗಳನ್ನು ಒಳಗೊಂಡಿರುತ್ತದೆ. ಈ ಕ್ರ್ಯಾಶ್ ಕೋರ್ಸ್ ಅಕ್ಟೋಬರ್ ತಿಂಗಳಿನಿಂದ ಫೆಬ್ರವರಿ ತಿಂಗಳವರೆಗೆ, ಶನಿವಾರ ಸಂಜೆ 4ರಿಂದ 7ರವರೆಗೆ ಹಾಗೂ ಭಾನುವಾರ ಬೆಳಗ್ಗೆ 9ರಿಂದ ಮಧ್ಯಾಹ್ನ 12ರವರೆಗೆ ಆನ್‌ಲೈನ್ ಮೂಲಕ ಉಚಿತವಾಗಿ ನಡೆಯಲಿದೆ.

  ಸ್ಪಷ್ಟ ವಿಡಿಯೋ ಹಾಗೂ ಆಡಿಯೋ ಮುಖಾಂತರ ಅನುಭವೀ ವಿಷಯ ತಜ್ಞರಿಂದ ಬೋಧಿಸಲ್ಪಡುವ ಈ ಕಾರ್ಯಾಗಾರದಲ್ಲಿ ಭಾಗವಹಿಸಲು ಉಚಿತ ನೋಂದಣಿಗಾಗಿ ಈ ಲಿಂಕ್ http://tinyurl.com/2ndPUCrashcourse ಅನ್ನು ಬಳಸಿ ಅಥವಾ ಉಡುಪಿಯ ಕೋರ್ಟ್ ಮುಂಭಾಗದಲ್ಲಿರುವ, ಅನಂತ್ ಟವರ್ಸ್ ನ 4ನೇ ಮಹಡಿಯಲ್ಲಿ ತ್ರಿಶಾ ಕ್ಲಾಸಸ್ ಅನ್ನು ಸಂಪರ್ಕಿಸಬಹುದು.