ಕಾಸರಗೋಡು: ಹೊಳೆಗೆ ಸ್ನಾನಕ್ಕೆ ತೆರಳಿದ್ದ ಇಬ್ಬರು ನೀರುಪಾಲು

•   Wed, Sep 28 2022 10:04:09 PM



• ಕಾಸರಗೋಡು, ಸೆ 28 (DaijiworldNews/SM): ಹೊಳೆಗೆ ಸ್ನಾನಕ್ಕಿಳಿದ ಇಬ್ಬರು ಯುವಕರು ನಾಪತ್ತೆಯಾದ ಘಟನೆ ಬುಧವಾರ ಸಂಜೆ ನಡೆದಿದೆ. ತಿರುವನಂತಪುರದ ರಂಜು (24) ಮತ್ತು ಕೊಲ್ಲಂನ ವಿಜಿತ್(23) ನೀರುಪಾಲಾದವರು.

  ಸ್ನೇಹಿತರ ಜೊತೆ ಹೊಳೆಯಲ್ಲಿ ಈಜುತ್ತಿದ್ದಾಗ ಈ ದುರಂತ ನಡೆದಿದೆ. ಅಗ್ನಿ ಶಾಮಕ ದಳ, ಪೊಲೀಸರು ಹಾಗೂ ನಾಗರಿಕರು ಶೋಧ ನಡೆಸುತ್ತಿದ್ದಾರೆ. ಪ್ರವಾಸಕ್ಕೆಂದು ಬಂದ ತಂಡವು ಸಂಜೆ 4 ಗಂಟೆ ಸುಮಾರಿಗೆ ಪಯಸ್ವಿನಿ ಹೊಳೆಯ ಆಲೂರು ಎಂಬಲ್ಲಿ ಹೊಳೆಗಿಳಿದ ಸಂದರ್ಭದಲ್ಲಿ ಈ ದುರ್ಘಟನೆ ನಡೆಸಿದೆ.