ಮಂಗಳೂರು: ನಳಿನ್ ಕುಮಾರ್‌ಗೆ ಮೆದುಳು ಸರಿಯಿಲ್ಲ-ಎಂ.ಬಿ. ಪಾಟೀಲ್

•   Mon, Sep 26 2022 09:22:13 PM



• ಮಂಗಳೂರು, ಸೆ.26 (DaijiworldNews/SM): ಸಂಸದ ಹಾಗೂ ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್‌ ವಿರುದ್ಧ ಮಾಜಿ ಸಚಿವ ಹಾಗೂ ಕಾಂಗ್ರೆಸ್ ಪ್ರಚಾರ ಸಮಿತಿ ಅಧ್ಯಕ್ಷ ಎಂ.ಬಿ. ಪಾಟೀಲ್ ವಾಗ್ದಾಳಿ ನಡೆಸಿದ್ದಾರೆ. ನಳಿನ್ ಗೆ ಮಲಪ್ರಭಾ ಬಗ್ಗೆ ಗೊತ್ತಿಲ್ಲ. ಅವರು ಮೆದುಳು ಸರಿಯಿಲ್ಲದೆ ಮಾತನಾಡುತ್ತಿದ್ದಾರೆ ಎಂದು ವಾಗ್ದಾಳಿ ನಡೆಸಿದ್ದಾರೆ.

  

  
  ನಳಿನ್ ನನ್ನ ವಿರುದ್ಧ್ ಮಾಹಿತಿ ಇಲ್ಲದೆ ಆರೋಪ ಮಾಡಿದ್ದಾರೆ. ಅವರಿಗೆ ಅದರ ಬಗ್ಗೆ ಗೊತ್ತೇ ಇಲ್ಲ, ಹೀಗಾಗಿ ಅವರಿಗೆ ನೋಟೀಸ್ ಕೊಟ್ಟಿದ್ದೇನೆ. ನಳಿನ್ ಇದರ ಯಾವುದೇ ಪರಿಜ್ಞಾನ ಇಲ್ಲದೇ ನನ್ನ ಮೇಲೆ ಆರೋಪ ಮಾಡಿದ್ದಾರೆ. ನಳಿನ್ ಕುಮಾರ್ ಪುಣ್ಯಾತ್ಮನಿಗೆ ಇದರ ಬಗ್ಗೆ ಗೊತ್ತೇ ಇಲ್ಲ. ಆದರೂ ಸುಖಾಸುಮ್ಮನೆ ಆರೋಪ ಮಾಡ್ತಾ ಇದ್ದಾರೆ.

  ನಳಿನ್ ಕುಮಾರ್ ಕಟೀಲ್‌ಗೆ ಮೆದುಳು ಸರಿಯಿಲ್ಲ ಅನ್ಸುತ್ತೆ ಎಂದು ಎಂಬಿ ಪಾಟೀಲ್ ಹೇಳಿದ್ದು, ದಾಖಲೆ ಇಟ್ಟು ನಳಿನ್ ಕುಮಾರ್‌ಗೆ ಲೀಗಲ್ ನೋಟೀಸ್ ನೀಡ್ತೇನೆ ಎಂದಿದ್ದಾರೆ.