ಮಂಗಳೂರು: ದಾಯ್ಜಿವಲ್ಡ್‌ ನವರಂಗಿ ಸೀರೆ ಸ್ಪರ್ಧೆ- ಪಾಲ್ಗೊಳ್ಳಿ,50 ಸಾವಿರ ಗೆಲ್ಲಿ.!

•   Mon, Sep 26 2022 10:12:17 AM



• ಮಂಗಳೂರು, ಸೆ.26 (DaijiworldNews/HR): ನವರಾತ್ರಿಯೆಂದರೆ ಎಲ್ಲೆಡೆಯೂ ಸಂಭ್ರಮದ ವಾತಾವರಣ. ನವರಾತ್ರಿಯ ಒಂದೊಂದು ದಿನವೂ ಬಹಳ ವಿಶೇಷವಾಗಿದ್ದು, 9 ದಿನಗಳ ಕಾಲ ಆದಿ ಶಕ್ತಿಯನ್ನು ನವ ವಿಧದಲ್ಲಿ ಪೂಜಿಸಲಾಗುತ್ತದೆ. ಈ ನವರಾತ್ರಿಯ ಹಬ್ಬಕ್ಕೆ ಮತ್ತಷ್ಟು ಮೆರುಗು ನೀಡಲು ದಾಯ್ಜಿವಲ್ಡ್ ವಾಹಿನಿಯೂ ನಿಮಗಾಗಿ ನವರಂಗಿ ಸೀರೆ ಫೋಟೋ ಸ್ಪರ್ಧೆ ಏರ್ಪಡಿಸಿದೆ.

  ನೂತನ್ ಕ್ಲೋತ್ ಸೆಂಟರ್ ಮಡಂತ್ಯಾರು ಸಹಯೋಗದೊಂದಿಗೆ‌‌‌‌ ಏರ್ಪಡಿಸಲಾಗುವ ಈ ಸ್ಪರ್ಧೆಯಲ್ಲಿ ನೀವು ಭಾಗವಹಿಸಿ 50 ಸಾವಿರ ರೂ. ಮೌಲ್ಯದ ಬಹುಮಾನ ನಿಮ್ಮದಾಗಿಸಬಹುದು. ಇದಕ್ಕಾಗಿ ನೀವು ಈ ಕೆಳಗೆ ನೀಡಲಾಗಿರುವ ಕೇವಲ ಸರಳ ನಿಯಮವನ್ನು ಅನುಸರಿಸಿ, ನೀಡಲಾಗಿರುವ ಆಯಾ ದಿನಕ್ಕೆ ತಕ್ಕಂತೆ ಸೀರೆ ಉಟ್ಟಿರುವ 3 ಮಂದಿ ಮಹಿಳೆಯರು ಅಥವಾ ಮೂವರಿಗಿಂತ ಹೆಚ್ಚಿರುವ ಗುಂಪಿನ ಪೋಟೋ ನಮಗೆ ಕಳುಹಿಸಬೇಕು.

  ಈ ಸ್ಪರ್ಧೆಯು ಸೆಪ್ಟಂಬರ್ 26ರಿಂದ ಅಕ್ಟೋಬರ್‌ 4ರವರೆಗೆ ನಡೆಯಲಿದ್ದು, ಸೆಪ್ಟಂಬರ್ 26 ರಂದು ಬಿಳಿ ಬಣ್ಣ, ಸೆಪ್ಟಂಬರ್ 27 ಕೆಂಪು ಬಣ್ಣ,ಸೆಪ್ಟಂಬರ್ 28 ನೀಲಿ ಬಣ್ಣ, ಸೆಪ್ಟಂಬರ್ 29 ಹಳದಿ ಬಣ್ಣ, ಸೆಪ್ಟಂಬರ್ 30 ಹಸಿರು ಬಣ್ಣ, ಅಕ್ಟೋಬರ್‌ 01 ಬೂದು ಬಣ್ಣ, ಅ.02 ಕಿತ್ತಳೆ ಬಣ್ಣ, ಅ.03 ನವಿಲು ಹಸಿರು ಬಣ್ಣ ಹಾಗೂ ಅ.04ರಂದು ಗುಲಾಬಿ ಬಣ್ಣದ ಸೀರೆಯನ್ನುಟ್ಟು ಗ್ರೂಪ್‌ ಫೋಟೋವೊಂದನ್ನು ದಾಯ್ಜಿವಲ್ಡ್ ವಾಹಿನಿಗೆ ಕಳುಹಿಸಿಕೊಡಬೇಕು.

  ಫೋಟೋದಲ್ಲಿರುವ ಮಹಿಳೆಯರು ಆಯಾ ದಿನದಂತೆ ಸೂಚಿಸಿದ ಬಣ್ಣದ ಸೀರೆಯನ್ನು ಮಾತ್ರ ಉಡಬೇಕು. ಫೋಟೋಗಳನ್ನು ಬಣ್ಣಕ್ಕನುಸಾರವಾಗಿ ಆಯಾ ದಿನ 1 ಗಂಟೆಯೊಳಗೆ ಕಳುಹಿಸಿಕೊಡಬೇಕು. ತೀರ್ಪುದಾರರು ಆಯ್ದ ಫೋಟೋಗಳನ್ನು ಸಂಜೆ 7 ಗಂಟೆಯ ನವರಂಗಿ ಸೀರೆ ಕಾರ್ಯಕ್ರಮದಲ್ಲಿ ಪ್ರಸಾರ ಮಾಡಲಾಗುವುದು ಹಾಗೂ ಅತ್ಯುತ್ತಮ ತಂಡಕ್ಕೆ ಬಹುಮಾನ ಘೋಷಿಸಲಾಗುವುದು. ಫೋಟೋಗಳನ್ನು 7022604561 ವಾಟ್ಸಾಪ್‌ ಸಂಖ್ಯೆಗೆ ಕಳುಹಿಸಬೇಕು. ಫೋಟೋಗಳನ್ನು ಕಳುಹಿಸುವಾಗ ತಂಡದ ಹೆಸರು, ಊರು ಹಾಗೂ ಫೋನ್‌‌ ಸಂಖ್ಯೆಯನ್ನು ಕಡ್ಡಾಯವಾಗಿ ನಮೂದಿಸಬೇಕು. ಸ್ಪರ್ಧೆಯಲ್ಲಿ ಜಯಶಾಲಿಯಾದ ತಂಡಕ್ಕೆ 50 ಸಾವಿರ ರೂ. ಮೌಲ್ಯದ ಬಹುಮಾನ ಸಿಗಲಿದೆ.

  ಬನ್ನಿ ನಮ್ಮೊಂದಿಗೆ ನವರಾತ್ರಿ ಸಂಭ್ರಮದಲ್ಲಿ ಭಾಗಿಯಾಗಿ ಬಹುಮಾನ ಗೆಲ್ಲಿ.!