ತಾಯಿ ಮಗುವಿನ ಮೇಲೆ ಚಲಿಸಿದ ಜೀಪ್, ಸಾವು ಗೆದ್ದು ಬಂದ ಮಹಿಳೆ ಮಗು

•   Sun, Feb 10 2019 08:17:19 PM



• ಉಪ್ಪಿನಂಗಡಿ, ಫೆ 10(SM): ಉಪ್ಪಿನಂಗಡಿಯಲ್ಲಿ ಸರಣಿ ಅಪಘಾತವೊಂದು ನಡೆದಿದ್ದು, ಜೀಪೊಂದು 2 ಕಾರು 4 ಬೈಕ್‌ಗೆ ಡಿಕ್ಕಿ ಹೊಡೆದ ಪರಿಣಾಮ ತಾಯಿ ಮಗು ಪವಾಡ ಸದೃಶ್ಯ ಪಾರಾದ ಘಟನೆ ನಡೆದಿದೆ.

  

  ಚಾಲಕನ ಅಚಾತುರ್ಯದಿಂದ ಘಟನೆ ನಡೆದಿದೆ. ಜೀಪನ್ನು ನಿಲ್ಲಿಸಿ ಅದರಲ್ಲಿ ಕೀ ಬಿಟ್ಟು ಹೋಗಿದ್ದ. ಜೀಪಿನಲ್ಲಿದ್ದ ಕೀ ಗಮನಿಸಿದ ಯುವಕನೋರ್ವ ಕೀ ಆನ್ ಮಾಡಿದ್ದು, ಜೀಪು ಏಕಾಏಕಿ ಚಲಿಸಲಾರಂಭಿಸಿ ತಾಯಿ ಹಾಗೂ ಮಗುವಿನ ಮೇಲೆಯೇ ಚಲಿಸಿದೆ. ಜೀಪ್ ನಲ್ಲಿದ್ದವರು ಅದೃಷ್ಟವಶಾತ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

  ಯುವಕನ ಅಜಾಗರೂಕತೆಯಿಂದ ಅವಘಡ ನಡೆದಿದೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ. ಘಟನೆಯಲ್ಲಿ ಗಾಯಗೊಂಡ ತಾಯಿ ಹಾಗೂ ಮಗುವನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇನ್ನು ಅಪಘಾತದ ದೃಶ್ಯಾವಳಿಗಳು ಸ್ಥಳೀಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.