ಕಾಸರಗೋಡು: ಗಾಂಜಾ ಸಾಗಾಟ - ಇಬ್ಬರ ಬಂಧನ

•   Thu, Sep 22 2022 05:12:10 PM



• ಕಾಸರಗೋಡು, ಸೆ 22 (DaijiworldNews/HR): ಕಾರಿನಲ್ಲಿ ಸಾಗಾಟ ಮಾಡುತ್ತಿದ್ದ ಭಾರೀ ಮೌಲ್ಯದ ಗಾಂಜಾವನ್ನು ಬದಿಯಡ್ಕ ಠಾಣಾ ಪೊಲೀಸರು ವಶಪಡಿಸಿಕೊಂಡಿದ್ದು, ಇಬ್ಬರನ್ನು ಬಂಧಿಸಲಾಗಿದೆ.

  ಪೈವಳಿಕೆ ಚಿಪ್ಪಾರಿನ ಮುಹಮ್ಮದ್ ಫಾಯಿಜ್ (26) ಮತ್ತು ಉಪ್ಪಳ ಪತ್ವಾಡಿಯ ಅಬೂಬಕ್ಕರ್ ಸಿದ್ದಿಕ್ (28) ಬಂಧಿತರು.

  ಪೊಲೀಸರಿಗೆ ಲಭಿಸಿದ ಖಚಿತ ಮಾಹಿತಿಯಂತೆ ಕಾರ್ಯಾಚರಣೆ ನಡೆಸಲಾಗಿದ್ದು, ಪೆರ್ಲ ಇಡಿಯಡ್ಕದಲ್ಲಿ ಬದಿಯಡ್ಕ ಕಡೆಗೆ ಬರುತ್ತಿದ್ದ ಕಾರನ್ನು ತಡೆದು ತಪಾಸಣೆ ನಡೆಸಿದಾಗ ಗಾಂಜಾ ಪತ್ತೆಯಾಗಿದ್ದು, ಕಾರಿನಿಂದ 13. 950 ಕಿಲೋ ಗಾಂಜಾ ವನ್ನು ವಶಪಡಿಸಿಕೊಳ್ಳಲಾಗಿದೆ.

  ಇನ್ನು ವಾಹನದಿಂದ 57, 350 ರೂ. ನಗದನ್ನು ವಶಪಡಿಸಿಕೊಳ್ಳಲಾಗಿದ್ದು, ಪೊಲೀಸರು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.