ಉಡುಪಿ: ಮದ್ಯದ ಅಮಲಿನಲ್ಲಿ ಫೈಓವರ್‌‌ನಿಂದ ಬಿದ್ದ ಯುವಕ -ಸಮಾಜ ಸೇವಕರರಿಂದ ರಕ್ಷಣೆ

•   Thu, Sep 22 2022 09:11:51 AM



• ಉಡುಪಿ, ಸೆ 22 (DaijiworldNews/HR): ಫ್ಲೈ ಓವರ್‌ನಿಂದ ಕೆಳಗೆ ಬಿದ್ದ ಯುವಕನೋರ್ವನನ್ನು ಸಮಾಜ ಸೇವಕರು ರಕ್ಷಿಸಿದ ಘಟನೆ ಉಡುಪಿಯ ಕರಾವಳಿ ಬೈಪಾಸ್ ಬಳಿ ನಡೆದಿದೆ.

  

  

  ರಾತ್ರಿ 9.00 ಗಂಟೆ ಸುಮಾರಿಗೆ ಕರಾವಳಿ ಬೈ ಪಾಸ್ ಬಳಿ ಫ್ಲೈ ಓವರ್ ನಿಂದ ಕೆಳಗೆ ಬಿದ್ದು ಮಾತನಾಡದ ಪರಿಸ್ಥಿತಿಯಲ್ಲಿ ಇದ್ದ ಮದ್ಯದ ಅಮಲಿನಲ್ಲಿದ್ದ ಯುವಕನನ್ನು ಸಮಾಜ ಸೇವಕ ವಿಶು ಶೆಟ್ಟಿಯವರು ತಮ್ಮ ವಾಹನದಲ್ಲಿ ಜಿಲ್ಲಾಸ್ಪತ್ರೆಗೆ ಚಿಕಿತ್ಸೆಗೆ ಕರೆದುಕೊಂಡು ಹೋಗಿದ್ದು ವೈದ್ಯರು ಪರೀಕ್ಷಿಸುವ ಸಮಯದಲ್ಲಿ ಯುವಕನಿಗೆ ಎಚ್ಚರವಾಗಿದ್ದು ಪರೀಕ್ಷಿಸಲು ಅವಕಾಶನೀಡದೆ ಆಸ್ಪತ್ರೆಯಿಂದ ಹೊರಟು‌ ಹೋಗಿದ್ದಾನೆ.

  ಇನ್ನು ಅದೃಷ್ಟವಶಾತ್ ಮೇಲಿಂದ ಬೀಳುವಾಗ ಹತ್ತಿರದ ಡಿವೈಡರ್ ಸಮೀಪಕ್ಕೆ ಬಿದ್ದಿದ್ದು ತಲೆಗೆ ಏಟಾಗದೆ ಯುವಕ ಅಪಾಯದಿಂದ ಪಾರಾಗಿದ್ದಾನೆ.