ಮಂಗಳೂರು: ಸಹ ಪ್ರಯಾಣಿಕ ಮಹಿಳೆಯ ಬ್ಯಾಗ್ ನಲ್ಲಿದ್ದ ಹಣದ ಪರ್ಸ್ ಎಗರಿಸಿದ ಮಹಿಳೆ-ಸಿಸಿಟಿವಿಯಲ್ಲಿ ಸೆರೆ

•   Tue, Sep 20 2022 09:47:16 PM



• ಮಂಗಳೂರು,ಸೆ 20 (DaijiworldNews/SM): ಬಸ್ಸಿನಲ್ಲಿ ಮಹಿಳಾ ಪ್ರಯಾಣಿಕರೊಬ್ಬರ ಬ್ಯಾಗ್‌ನಲ್ಲಿದ್ದ ಪರ್ಸ್‌ನ್ನು ಮತ್ತೊಬ್ಬ ಮಹಿಳೆ ಎಗರಿಸಿದ ಘಟನೆ ಮಂಗಳೂರಿನಲ್ಲಿ ವರದಿಯಾಗಿದೆ.

  ನಗರದ ಖಾಸಗಿ ಬಸ್ಸೊಂದು ಮಂಗಳೂರಿನಿಂದ ಪುತ್ತೂರಿಗೆ ಸಂಚರಿಸುತ್ತಿದ್ದಾಗ ಬಸ್ಸಿನಲ್ಲಿದ್ದ ಪ್ರಯಾಣಿಕೆಯ ಹ್ಯಾಂಡ್‌ಬ್ಯಾಗ್‌ನಲ್ಲಿದ್ದ ಪರ್ಸ್‌ನ್ನು ಸೀಟಿನಲ್ಲಿ ಕುಳಿತಿದ್ದ ಮಹಿಳೆಯೋರ್ವರು ಕದ್ದಿದ್ದಾರೆ. ಪ್ರಯಾಣಿಕ ಮಹಿಳೆಯ ಅರಿವಿಗೆ ಬರದಂತೆ ಕಳ್ಳಿ ಕೈ ಚಳಕ ತೋರಿರುವುದು ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

  ಮಂಗಳೂರಿನಲ್ಲಿ ಮತ್ತೆ ಸರಕಳ್ಳಿಯರು, ಪರ್ಸ್‌ ಕಳ್ಳರು ಹೆಚ್ಚಿದ್ದು, ಬಸ್ಸಿನಲ್ಲಿ ಸಂಚರಿಸುವ ಪ್ರಯಾಣಿಕರು ಎಚ್ಚರಿಕೆ ವಹಿಸಿಕೊಳ್ಳುವುದು ಅಗತ್ಯವಾಗಿದೆ.