ಕುಂದಾಪುರ: ಕುಡಿದು ತೂರಾಡಿದ ಬಸ್ ಡ್ರೈವರ್ - ಪ್ರಯಾಣಿಕರು ಅತಂತ್ರ

•   Wed, Sep 14 2022 10:29:43 AM



• ಕುಂದಾಪುರ, ಸೆ 14 (DaijiworldNews/MS): ಬೆಂಗಳೂರು ಕುಂದಾಪುರ ಪ್ರಯಾಣಿಸುತ್ತಿದ್ದ ಖಾಸಗಿ ಬಸ್ ಚಾಲಕನೊಬ್ಬ ನಡುರಸ್ತೆಯಲ್ಲಿ ಬಸ್ ನಿಲ್ಲಿಸಿ ಟೈಟಾಗಿ ಬಿದ್ದ ಘಟನೆಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

  ಉಡುಪಿಯ ಮೂಲದ್ದೆನ್ನಲಾದ ಬಸ್ ನ ಚಾಲಕನೇ ಕುಡಿದು ಅಮಲೇರಿಸಿಕೊಂಡು ರಸ್ತೆ ಮಧ್ಯೆ ಬಿದ್ದ ವ್ಯಕ್ತಿಯಾಗಿದ್ದಾನೆ.

  ಮೊದಲೇ ಕುಡಿದು ಚಾಲನೆ ಮಾಡಿಕೊಂಡು ಬಂದಿದ್ದ ಚಾಲಕ ಬಸ್ಸನ್ನು ಮಧ್ಯರಾತ್ರಿ ರಸ್ತೆ ಮಧ್ಯೆ ವಿರಾಮಕ್ಕೆಂದು ನಿಲ್ಲಿಸಿದ್ದನೆನ್ನಲಾಗಿದೆ. ಈ ಸಂದರ್ಭ ಮತ್ತೆ ಕುಡಿದಿದ್ದು ದೇಹದ ನಿಯಂತ್ರಣ ಕಳೆದುಕೊಂಡಿದ್ದಾನೆ. ಅಲ್ಲದೇ ಓಲಾಡುತ್ತಾ ಮತ್ತೆ ಬಸ್ ಬಳಿ ಬಂದು ಚಾಲನೆಗಾಗಿ ಪ್ರಯತ್ನಿಸಿದ್ದಾನೆ. ಈ ಸಂದರ್ಭ ಗಮನಿಸುತ್ತಿದ್ದವರ ಪೈಕಿ ಒಬ್ಬ ಕುಡಿದು ಟೈಟಾಗಿದ್ದ ಚಾಲಕನಿಗೆ ಥಳಿಸಿದ್ದಾರೆ. ಮೊದಲೇ ದೇಹದ ನಿಯಂತ್ರಣ ಕಳೆದುಕೊಂಡಿದ್ದ ಚಾಲಕ ಹೆದ್ದಾರಿ ನಡುವೆಯೇ ಬಿದ್ದಿದ್ದಾನೆ.

  ಈ ಘಟನೆಯನ್ನು ಸ್ಥಳದಲ್ಲಿದ್ದವರು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದು ವೈರಲ್ ಆಗುತ್ತಿದೆ. ಆದರೆ ಚಾಲಕನ ಹೆಸರು ಹಾಗೂ ಇತರ ಮಾಹಿತಿ ಲಭ್ಯವಾಗಿಲ್ಲ.