ಉಳ್ಳಾಲ: ಅಕ್ರಮ ಪತ್ತೆಗೆ ಅಳವಡಿಸಲಾಗಿದ್ದ ಸಿಸಿಟಿವಿಯನ್ನೇ ಕೆಡವಿತು ಮರಳು ತುಂಬಿದ ಲಾರಿ

•   Sat, Sep 10 2022 10:42:48 PM



• ಉಳ್ಳಾಲ,ಸೆ 10 (DaijiworldNews/SM): ಅಕ್ರಮ ಮರಳುಗಾರಿಕೆ ತಡೆಯಲು ಅಳವಡಿಸಿದ್ದ ಸಿಸಿಟಿವಿಯನ್ನು ಮರಳು ಸಾಗಾಟದ ಲಾರಿಯೇ ಕೆಡವಿರುವ ಘಟನೆ ವರದಿಯಾಗಿದೆ.

  ಅಪರಿಚಿತ ಲಾರಿ ಸಿಸಿಟಿವಿ ಕಂಬಕ್ಕೆ ಢಿಕ್ಕಿ ಹೊಡೆದು ಕೆಡವಿ ಹಾಕಿದೆ. ಉಳ್ಳಾಲದ ಕೋಟೆಪುರದಲ್ಲಿ ಅಳವಡಿಸಲಾಗಿದ್ದ ಸಿಸಿಟಿವಿಯನ್ನು ಕೆಡವಲಾಗಿದೆ. ಅಕ್ರಮ ತಡೆಯಲು ಅಳವಡಿಸಿದ್ದ ಇಂಟರ್ನೆಟ್ ಆಧಾರಿತ ಸಿಸಿಟಿವಿ ಇದಾಗಿದೆ.
  
  ಸಿಸಿಟಿವಿ ಅಳವಡಿಕೆ ಬಳಿಕ ಅಕ್ರಮ ಮರಳುಗಾರಿಕೆಗೆ ಕಡಿವಾಣ ಬಿದ್ದಿತ್ತು. ಇದೇ ಕಾರಣಕ್ಕಾಗಿ ಸಿಸಿಟಿವಿ ಕಂಬಕ್ಕೆ ಢಿಕ್ಕಿ ಹೊಡೆದಿರುವ ಸಾಧ್ಯತೆ ಇದೆ ಎನ್ನಲಾಗಿದೆ. ಹಿಮ್ಮುಖವಾಗಿ ಚಲಿಸಿ ಸಿಸಿಟಿವಿ ಕಂಬಕ್ಕೆ ಢಿಕ್ಕಿ ಹೊಡೆದಿದೆ ಎಂದು ತಿಳಿದುಬಂದಿದೆ. ಸಿಸಿಟಿವಿ ಕೆಡವುವ ಉದ್ಧೇಶದಿಂದಲೇ ದುಷ್ಕರ್ಮಿಗಳು ಢಿಕ್ಕಿ ಹೊಡೆದಿದ್ದಾರೆ ಎಂದು ತಿಳಿದುಬಂದಿದೆ. ಲಾರಿ ಡಿಕ್ಕಿಯಾಗುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.