ಕಾಸರಗೋಡು: ಬೆಳಗಾವಿ ಮೂಲದ ಕಾರ್ಮಿಕನ ಮೃತದೇಹ ಪತ್ತೆ

•   Fri, Sep 09 2022 08:19:43 PM



• ಕಾಸರಗೋಡು, ಸೆ 09 (DaijiworldNews/SM): ಬೆಳಗಾವಿ ಮೂಲದ ಕಾರ್ಮಿಕರೋರ್ವರ ಮೃತದೇಹ ರಸ್ತೆ ಬದಿಯಲ್ಲಿ ಪತ್ತೆಯಾದ ಘಟನೆ ಮಂಜೇಶ್ವರ ಸಮೀಪದ ಪಾವೂರಿನಲ್ಲಿ ನಡೆದಿದೆ. ಬೆಳಗಾವಿಯ ಬಸಪ್ಪ (63) ಮೃತಪಟ್ಟವರು.

  ಪಾವೂರು ಸೂಫಿ ನಗರದ ರಸ್ತೆ ಬದಿಯ ಲ್ಲಿ ಮುಂಜಾನೆ ಪರಿಸರವಾ ಸಿ ಗಳ ಗಮನಕ್ಕೆ ಬಂದಿದ್ದು, ಮಂಜೇಶ್ವರ ಪೊಲೀಸರಿಗೆ ಮಾಹಿತಿ ನೀಡಲಾಯಿತು.ಎರಡು ದಿನಗಳ ಹಿಂದೆ ಸೂಫಿ ನಗರದ ವ್ಯಕ್ತಿ ಯೋರ್ವರು ತೋಟದ ಕೆಲಸಕ್ಕೆಂದು ಮಂಗಳೂರಿನಿಂದ ಕರೆದು ಕೊಂಡು ಬಂದಿದ್ದರು.

  ಕೆಲಸ ಮುಗಿಸಿ ತೋಟದ ಮನೆಯ ಜಗಲಿಯಲ್ಲಿ ಮಲಗುತ್ತಿದ್ದರು. ಶುಕ್ರವಾರ ಮುಂಜಾನೆ ಮನೆಯಿಂದ 150 ಮೀಟರ್ ದೂರದ ರಸ್ತೆ ಬದಿ ಮೃತ ದೇಹ ಪತ್ತೆಯಾಗಿದೆ. ದೇಹದಲ್ಲಿ ಗಾಯಗಳು ಕಂಡು ಬಂದಿದ್ದು, ರಕ್ತ ಹೆಪ್ಪು ಗಟ್ಟಿದ ಸ್ಥಿತಿಯಲ್ಲಿ ಕಂಡುಬಂದಿದೆ. ಸಮೀಪ ಹುಲ್ಲು ಕಡಿಯುವ ಕತ್ತಿ ಪತ್ತೆಯಾಗಿದೆ. ಮಂಜೇಶ್ವರ ಪೊಲೀಸರು ಮಹಜರು ನಡೆಸಿ ಮರಣೋತ್ತರ ಪರೀಕ್ಷೆಗಾಗಿ
  ಕಣ್ಣೂರು ವೈದ್ಯಕೀಯ ಕಾಲೇಜು ಆಸ್ಪತ್ರೆಗೆ ಕೊಂಡೊಯ್ಯಲಾಗಿದೆ.