ಕಾರ್ಕಳ: ಅತ್ತೂರು ಸಂತ ಲಾರೆನ್ಸ್ ಬಸಿಲಿಕ-ತೆನೆಹಬ್ಬದ ಧಾರ್ಮಿಕ ಕಾರ್ಯಕ್ರಮ

•   Thu, Sep 08 2022 07:30:33 PM



• ಕಾರ್ಕಳ, ಸೆ 08 (DaijiworldNews/DB): ಪ್ರತಿಯೊಬ್ಬರು ತಮ್ಮ ದಿನಚರಿಯಲ್ಲಿ ಸತ್ಕಾರ್ಯಗಳನ್ನು ಅನುಸರಿಸುತ್ತಾ ಪರೋಪಕಾರ ಮಾಡಿದಾಗ ದೇವರನ್ನು ಒಲಿಸಬಹುದು ಎಂದು ಉಜ್ವಡ್ ಪತ್ರಿಕೆಯ ಸಂಪಾದಕ ಹಾಗೂ ಧರ್ಮಗುರು ರಾಯ್ಸನ್ ಫೆರ್ನಾಂಡಿಸ್ ಹೇಳಿದರು.

  ವಿಶ್ವ ಧಾರ್ಮಿಕ ಮಾನ್ಯತೆ ಹೊಂದಿರುವ ಅತ್ತೂರು ಸಂತ ಲಾರೆನ್ಸ್ ಬಸಿಲಿಕದಲ್ಲಿ ಗುರುವಾರ ಆಯೋಜಿಸಲಾಗಿದ್ದ ತೆನೆಹಬ್ಬದ ಧಾರ್ಮಿಕ ವಿಧಿವಿಧಾನ ಕಾರ್ಯಕ್ರಮವನ್ನು ನೆರವೇರಿಸಿ ಅವರು ಸಂದೇಶ ನೀಡಿದರು. ಭಗವಾನ್ ಏಸು ಕ್ರಿಸ್ತರ ತಾಯಿ ಮಾತೆ ಮೇರಿಯಮ್ಮನ ಜನ್ಮದಿನದಂದು ಕ್ರೈಸ್ತರು ತೆನೆಹಬ್ಬವನ್ನಾಗಿ ಆಚರಿಸುತ್ತಾರೆ.

  ಅತ್ತೂರು ಸಂತ ಲಾರೆನ್ಸ್ ಬಸಿಲಿಕದ ನಿರ್ದೇಶಕ ಧರ್ಮಗುರು ಅಲ್ಬನ್ ಡಿಸೋಜಾ, ಧರ್ಮಗುರು ರೋಮನ್ ಮಸ್ಕರೇಂಜಸ್ ಮೊದಲಾದವರು ಉಪಸ್ಥಿತರಿದ್ದರು.