ವೇಶ್ಯಾವಾಟಿಕೆ ಅಡ್ಡೆಗೆ ದಾಳಿ ನಾಲ್ವರ ಬಂಧನ,ಮಹಿಳೆಯರ ರಕ್ಷಣೆ

•   Wed, Feb 06 2019 09:15:41 PM



• ಮಂಗಳೂರು, ಫೆ 06(SM): ಬಜಪೆ ಪೊಲೀಸ್ ಠಾಣಾ ವ್ಯಾಪ್ತಿಯ ಡೈಮಂಡ್ ಹೋಮ್ ಎದುರು ಇರುವ ಮನೆಯಲ್ಲಿ ವೇಶ್ಯಾವಟಿಕೆ ನಡೆಯುತ್ತಿರುವ ಬಗ್ಗೆ ಬಂದ ಖಚಿತ ಮಾಹಿತಿಯ ಮೇರೆಗೆ ಬಜಪೆ ಠಾಣಾ ಪೊಲೀಸರು ನಾಲ್ವರು ಮಹಿಳೆಯರನ್ನು ರಕ್ಷಕ್ಷಿಸಿದ್ದಾರೆ. ಹಾಗೂ 4 ಜನ ಆರೋಪಿಗಳನ್ನು ಬಂಧಿಸಿದ್ದಾರೆ. ಪ್ರಕರಣದಲ್ಲಿ ಭಾಗಿಯಾಗಿರುವ ಒಬ್ಬ ಆರೋಪಿ ತಲೆಮರೆಸಿಕೊಂಡಿದ್ದಾನೆ.

  

  

  ಬಂಧಿತರನ್ನು ಉಡುಪಿಯ ಕುತ್ಯಾರು ನಿವಾಸಿ ಶಿವಾನಂದ (45), ಪಂಜಿಮೊಗರು ನಿವಾಸಿ ನಿರಂಜನ್ ಆರ್ ಕೋಟ್ಯಾನ್ (42), ಕುತ್ತಾರುಪದವಿನ ಎಂ.ಬಿ. ಇಸ್ಮಾಯಿಲ್(35) ಹಾಗೂ ಮಂಜೇಶ್ವರದ ಕಡವಲಪ್ಪು ಮಹಮ್ಮದ್ ಅಬ್ಬುಸಲೀಂ(42) ಎಂದು ಗುರುತಿಸಲಾಗಿದೆ.

  ಈ ಕಾರ್ಯಾಚರಣೆಯಲ್ಲಿ ಸಿಸಿಬಿ ಘಟಕದ ಪೊಲೀಸ್ ನಿರೀಕ್ಷಕ ಶಾಂತಾರಾಮ, ಹಾಗೂ ಸಿ.ಸಿ.ಬಿ ಘಟಕದ ಸಿಬ್ಬಂದಿಗಳಾದ ಎ.ಎಸ್.ಐ ಹರೀಶ್, ಸುಬ್ರಹ್ಮಣ್ಯ ರವರು ಮತ್ತು ಬಜಪೆ ಪೊಲೀಸ್ ಠಾಣೆಯ ಪೊಲೀಸ್ ನಿರೀಕ್ಷಕರಾದ ಎಸ್. ಪರಶಿವಮೂರ್ತಿ, ಪೊಲೀಸ್ ಉಪ ನಿರೀಕ್ಷಕರಾದ ಶಂಕರ ನಾಯರಿ ಹಾಗೂ ಬಜಪೆ ಠಾಣಾ ಸಿಬ್ಬಂದಿಯವರಾದ ಲಾವಣಿ, ರಕ್ಷಿತಾ, ರಾಜೇಶ್ ಮತ್ತು ಲಕ್ಷ್ಮಣ ಕಾಂಬ್ಳೆ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು.