ಉಡುಪಿ: ಮಲಗಿದ್ದಲ್ಲೇ ಅಸ್ವಸ್ಥ, ವ್ಯಕ್ತಿ ಸಾವು

•   Sun, Sep 04 2022 08:13:05 AM



• ಉಡುಪಿ, ಸೆ 04 (DaijiworldNews/DB): ಗಣೇಶ ಮೂರ್ತಿ ವಿಜಸರ್ಜನೆ ಕಾರ್ಯಕ್ರಮದಲ್ಲಿ ಭಾಗವಹಿಸಿ ರಾತ್ರಿ ಮನೆಗೆ ಬಂದು ಮಲಗಿದ್ದ ವ್ಯಕ್ತಿ ಬೆಳಗ್ಗೆ ಅಸ್ವಸ್ಥಗೊಂಡು ಬಳಿಕ ಸಾವನ್ನಪ್ಪಿದ ಘಟನೆ ಉಡುಪಿಯಲ್ಲಿ ನಡೆದಿದೆ.

  ಮಣಿಪಾಲದ ಟೋಟಲ್ ಗ್ಯಾಸ್ ಏಜೆನ್ಸಿಯವರ ವಾಹನದಲ್ಲಿ ಚಾಲಕರಾಗಿದ್ದ ಹೆರ್ಗ ನಿವಾಸಿ ಮಂಜುನಾಥ (28) ಮೃತಪಟ್ಟವರು. ಸೆಪ್ಟಂಬರ್‌ 2ರಂದು ಅವರು ಗಣೇಶ ಮೂರ್ತಿ ವಿಸರ್ಜನೆ ಕಾರ್ಯಕ್ರಮದಲ್ಲಿ ಭಾಗವಹಿಸಿ ರಾತ್ರಿ ಅಣ್ಣನ ಮನೆಗೆ ಬಂದು ಮನೆಯ ಟೆರೇಸ್ ಮೇಲೆ ಮಲಗಿದ್ದರು. ಆದರೆ ಮರುದಿನ ಎದ್ದಾಗ ಅಸ್ವಸ್ಥಗೊಂಡಿದ್ದರು. ಕೂಡಲೇ ಅವರನ್ನು ಮಣಿಪಾಲದ ಖಾಸಗಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಆದರೆ ಅವರನ್ನು ಪರೀಕ್ಷಿಸಿದ ವೈದ್ಯರು ಅವರು ಸಾವನ್ನಪ್ಪಿರುವುದಾಗಿ ತಿಳಿಸಿದ್ದಾರೆ.

  ಮಣಿಪಾಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.