ಕಡಬ: ದನದ ಕೊಟ್ಟಿಗೆಗೆ ಸಿಡಿಲು ಬಡಿದು ಒಂದು ಹಸು ಮೃತ್ಯು, ಮನೆಯ ತಂತಿ ಸುಟ್ಟು ಭಸ್ಮ

•   Wed, Aug 31 2022 03:28:09 PM



• ಕಡಬ, ಆ 31 (DijiworldNews/HR): ಮಂಗಳವಾರ ಸಂಜೆ ಗುಡುಗು, ಮಿಂಚು ಸಹಿತ ಭಾರಿ ಮಳೆ ಸುರಿದಿದ್ದು, ಕಡಬ ತಾಲೂಕಿನ ಮರ್ಧಾಳದಲ್ಲಿ ದನದ ಕೊಟ್ಟಿಗೆಗೆ ಸಿಡಿಲು ಬಡಿದು ಒಂದು ಹಸು ಸಾವನ್ನಪ್ಪಿದೆ.

  

  ಮರ್ಧಾಳ ಸಮೀಪದ ಐತ್ತೂರು ಗ್ರಾಮದ ಕೊಡೆಂಕಿರಿ ನಿವಾಸಿ ಕೊರಗಪ್ಪ ಗೌಡ ಎಂಬುವರಿಗೆ ಸೇರಿದ ಹಸು ಇದಾಗಿದೆದ್ದು, ಸಿಡಿಲು ಬಡಿದು ಮನೆಯ ವೈರಿಂಗ್ ಸಂಪೂರ್ಣ ಸುಟ್ಟು ಕರಕಲಾಗಿದೆ. ಇನ್‌ವರ್ಟರ್‌ಗೂ ಹಾನಿಯಾಗಿದೆ.

  ದನದ ಕೊಟ್ಟಿಗೆಯ ಗೋಡೆಗಳು ಬಿರುಕು ಬಿಟ್ಟಿದ್ದು, ಅಂದಾಜು ಲಕ್ಷ ರೂಪಾಯಿ ನಷ್ಟವಾಗಿದೆ. ಮನೆಯಲ್ಲಿದ್ದವರು ಮನೆಯ ಹೊರಗೆ ಇದ್ದುದರಿಂದ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

  ಭಾರೀ ಗಾಳಿಗೆ ಹಲವಾರು ನಿವಾಸಿಗಳು ತಮ್ಮ ಬೆಳೆಗಳನ್ನು ಕಳೆದುಕೊಂಡಿದ್ದಾರೆ. ಅಡಿಕೆ, ಬಾಳೆ ಮರಗಳು ನೆಲಕ್ಕುರುಳಿವೆ.