ಉಡುಪಿ: ವ್ಯಕ್ತಿ ನಾಪತ್ತೆ - ದೂರು ದಾಖಲು

•   Mon, Aug 29 2022 01:04:06 PM



• ಉಡುಪಿ, ಆ 29 (DaijiworldNews/HR): ಆ.21ರಿಂದ ರಾಘವೇಂದ್ರ ಪ್ರಭು (42) ಎಂಬವರು ನಾಪತ್ತೆಯಾಗಿರುವ ಕುರಿತು ಪಡುಬಿದ್ರಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

  

  ರಾಘವೇಂದ್ರ ಪ್ರಭು ಅವರ ಕಿರಿಯ ಸಹೋದರ ಪಾಂಡುರಂಗ ಪ್ರಭು ಅವರು ನೀಡಿದ ದೂರಿನಂತೆ, ಅವರ ಅಣ್ಣ ಮದ್ಯವ್ಯಸನಿಯಾಗಿದ್ದು, ಅವಿವಾಹಿತರಾಗಿದ್ದಾರೆ. ಆಗಸ್ಟ್ 5 ರಂದು ರಾಘವೇಂದ್ರ ಮನೆಗೆ ಬಂದು ತಾನು ಕಟಪಾಡಿಯಲ್ಲಿ ಕೆಲಸ ಮಾಡುತ್ತಿದ್ದೇನೆ ಮತ್ತು ಅಲ್ಲಿಯೇ ಇರುವುದಾಗಿ ಹೇಳಿ 11 ಗಂಟೆಗೆ ಮನೆಯಿಂದ ಹೊರಗೆ ಹೋಗಿ ಆ ನಂತರ ಅವರನ್ನು ಸಂಪರ್ಕಿಸಲು ಸಾಧ್ಯವಾಗಲಿಲ್ಲ ಎಂದು ತಿಳಿಸಿದ್ದಾರೆ..

  ಇನ್ನು ರಾಘವೇಂದ್ರ ಪ್ರಭು ಅವರು ಆಗಾಗ್ಗೆ ಬರುತ್ತಿದ್ದ ಬಾರ್‌ನಲ್ಲಿ ಕಾಣೆಯಾಗಿರುವ ಬಗ್ಗೆ ವಿಚಾರಿಸಿದಾಗ, ಅವರು ಆರು ದಿನಗಳಿಂದ ಬಾರ್‌ಗೆ ಬಂದಿಲ್ಲ ಮತ್ತು ಬಟ್ಟೆಗಳಿದ್ದ ಬ್ಯಾಗ್ ಅನ್ನು ಸಹ ಬಿಟ್ಟು ಹೋಗಿದ್ದಾರೆ ಎಂದು ಹೇಳಿದರು.

  ನಾಪತ್ತೆಯಾಗಿರುವ ರಾಘವೇಂದ್ರ ಅವರಿಗಾಗಿ ಸಂಬಂಧಿಕರು ಹಾಗೂ ಪರಿಚಯಸ್ಥರ ಮನೆಗಳಲ್ಲಿ ಹುಡುಕಾಟ ನಡೆಸಿದರೂ ಯಾವುದೇ ಫಲ ಸಿಕ್ಕಿರಲಿಲ್ಲ.

  ಈ ಬಗ್ಗೆ ಪಡುಬಿದ್ರಿ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.