ಮಂಗಳೂರು: ಗಾಂಜಾ‌ ಗ್ಯಾಂಗ್‌ನಿಂದ ಯುವಕನ ಮೇಲೆ ಹಲ್ಲೆ ಪ್ರಕರಣ - ಓರ್ವನ ಬಂಧನ

•   Sun, Aug 21 2022 10:50:22 AM



• ಮಂಗಳೂರು, ಆ 21 (DaijiworldNews/HR): ಶುಕ್ರವಾರ ತಡರಾತ್ರಿ ವಲಚ್ವಿಲ್ ಎಂಬಲ್ಲಿ ಯುವಕನ ಮೇಲೆ ಮಾರಕಾಯುಧಗಳಿಂದ ಹಲ್ಲೆ ನಡೆಸಿದ ಆರೋಪದ ಮೇಲೆ ಆಶಿಕ್ ಎಂಬಾತನನ್ನು ಪೊಲೀಸರು ಬಂಧಿಸಿದ್ದಾರೆ.

  

  ಘಟನೆಯಲ್ಲಿ ಮಹಮ್ಮದ್ ಆಸಿಫ್ (30) ಗಂಭೀರವಾಗಿ ಗಾಯಗೊಂಡಿದ್ದಾರೆ. ಆಶಿಕ್ ಮತ್ತು ಮುಸ್ತಾಕ್ ಈ ಹಿಂದೆಯೂ ಅಪರಾಧ ಚಟುವಟಿಕೆಗಳಲ್ಲಿ ಭಾಗಿಯಾಗಿದ್ದು, ಕಾಪು ಪೊಲೀಸ್ ಠಾಣೆಯಲ್ಲಿ ಇಬ್ಬರ ವಿರುದ್ಧವೂ ಐಪಿಸಿ 307 ರ ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.

  ಆಶಿಕ್ ವಲಚ್ವಿಲ್ ನಿವಾಸಿ ಮಿಫಾ ಎಂಬುವವರ ಮೊಬೈಲ್ ಫೋನ್ ಅನ್ನು ತೆಗೆದುಕೊಂಡಿದ್ದು, ಅದನ್ನೇ ಹಿಂತಿರುಗಿಸುವಂತೆ ಮಿಫ್ತಾ ಆಶಿಕ್‌ಗೆ ಕೇಳಿದಾಗ, ಅವರು ಅಹಂಕಾರದಿಂದ ಮಾತನಾಡಿದರು. ಈ ವಿಷಯವನ್ನು ಮಿಫ್ತಾ ತನ್ನ ಚಿಕ್ಕಪ್ಪ ಆಸಿಫ್‌ಗೆ ತಿಳಿಸಿದ್ದಾನೆ. ಆಸಿಫ್ ಮೊಬೈಲ್ ಫೋನ್ ಕೇಳಿದಾಗ ಆಶಿಕ್ ಮತ್ತು ಮುಸ್ತಾಕ್ ಇಬ್ಬರ ನಡುವೆ ನಡೆದ ವಾಗ್ವಾದದಲ್ಲಿ ಆಸಿಫ್ ಮೇಲೆ ಮಾರಕಾಯುಧಗಳಿಂದ ಹಲ್ಲೆ ನಡೆಸಿದ್ದಾರೆ.

  ವಲಚ್ವಿಲ್‌ನಲ್ಲಿ ಗಾಂಜಾ ಮಾರಾಟ ಮತ್ತು ಸೇವನೆ ಮಾಡುವ ತಂಡವೊಂದು ಸಕ್ರಿಯವಾಗಿದ್ದು, ಆಶಿಕ್ ಮತ್ತು ಮುಸ್ತಾ ಕೂಡ ಈ ತಂಡದಲ್ಲಿ ಭಾಗಿಯಾಗಿದ್ದಾರೆ ಎಂದು ತಿಳಿದುಬಂದಿದೆ.

  ಗ್ರಾಮಾಂತರ ಪೊಲೀಸ್ ಠಾಣೆ ಸಿಬ್ಬಂದಿ ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.