ಮಂಗಳೂರು: ಮರೈನ್ ಕಾಲೇಜಿನಲ್ಲಿ ಸ್ವಾತಂತ್ರ್ಯ ದಿನಾಚರಣೆ

•   Wed, Aug 17 2022 04:49:56 PM



• ಮಂಗಳೂರು, ಆ 16 (DaijiworldNews/MS): ಮರೈನ್ ಕಾಲೇಜಿನಲ್ಲಿ 75 ನೇ ವರ್ಷದ ಸ್ವಾತಂತ್ರ್ಯ ದಿನಾಚರಣೆಯನ್ನು ಸಂಭ್ರಮದಿಂದ ಆಚರಿಸಲಾಯಿತು.

  ಧ್ವಜಾರೋಹಣವನ್ನು ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಕುಪ್ಪೆಪದವು ಗ್ರಾಮಪಂಚಾಯತ್ ಅಧ್ಯಕ್ಷರಾದ ಡಿ.ಪಿ ಹಮ್ಮಬ್ಬ ರವರು ನೆರವೇರಿಸಿ ಸ್ವಾತಂತ್ರ್ಯದ ಮಹತ್ವದ ಬಗ್ಗೆ ವಿವರಿಸಿದರು. ಕಾಲೇಜಿನ ಪ್ರಾಂಶುಪಾಲರು ಮಾತನಾಡಿ ಸ್ವಾತಂತ್ರ್ಯವನ್ನು ಉಳಿಸಿ ದೇಶದ ಸರ್ವತೋಮುಖ ಉನ್ನತಿಗೆ ವಿದ್ಯಾರ್ಥಿಗಳು ಹೇಗೆ ನೆರವಾಗಬಹುದು ಎಂದು ವಿವರಿಸಿದರು.

  ವಿಭಾಗ ಮುಖ್ಯಸ್ಥರುಗಳಾದ ಪ್ರೊ. ಪ್ರತಾಪ್ ರೈ, ಪ್ರೊ. ಡೋಲ್ಫಿ ಪಾಯಸ್ ಪಿಂಟೋ, ಶ್ರೀ ಸುನಿಲ್ ನಾಯಕ್, ಪ್ರಾಧ್ಯಾಪಕ ವರ್ಗ ಮತ್ತು ಸಿಬಂದಿವರ್ಗ ಮತ್ತು ವಿದ್ಯಾರ್ಥಿಗಳು ಭಾಗವಹಿಸಿದ್ದರು. ಸ್ವಾತಂತ್ರ್ಯೋತ್ಸವದ ಪ್ರಯುಕ್ತ ಕಾಲೇಜಿನ ವಿದ್ಯಾರ್ಥಿಗಳಿಂದ ಮಂಗಳೂರಿನ ಜ್ಯೋತಿ ಸರ್ಕಲ್ ನಿಂದ ಹಂಪನಕಟ್ಟೆ ಯವರೆಗೆ ಪಾದಯಾತ್ರೆ ನಡೆಯಿತು.