ಕಾರ್ಕಳ: ಬೈಕಿಗೆ ಹಿಂಬದಿಯಿಂದ ಗುದ್ದಿದ ಕಾರು - ಅತ್ತೂರು ಜಾತ್ರೆಗೆ ಹೊರಟ ಬೈಕ್ ಸವಾರ ಸಾವು

•   Thu, Jan 31 2019 05:07:39 PM



• ಕಾರ್ಕಳ,ಜ 31(MSP): ಅತ್ತೂರು ಜಾತ್ರೆಗೆಂದು ಬೈಕಿನಲ್ಲಿ ಹೊರಟ ವ್ಯಕ್ತಿಗೆ ಕಾರು ಡಿಕ್ಕಿಯಾಗಿ ಸಾವನಪ್ಪಿದ ಘಟನೆ ನಲ್ಲೂರು ಗ್ರಾಮ ನೆಲ್ಲಿಕಾರು ಎಂಬಲ್ಲಿ ಜ.30 ರ ಬುಧವಾರ ನಡೆದಿದೆ. ಮೃತಪಟ್ಟವರನ್ನು ಬೆಳ್ತಂಗಡಿ ತಾಲೂಕಿನ ಕರಂಬಾರು ಗ್ರಾಮದ ಸೂರ್ಲೋಡಿಯ ಕೇಶವ ಬಂಗೇರ (51) ಎಂದು ಗುರುತಿಸಲಾಗಿದೆ. ಘಟನೆ ಬಳಿಕ ಕಾರು ಚಾಲಕ ಕಾರು ನಿಲ್ಲಿಸದೆ ಪರಾರಿಯಾಗಿದ್ದಾನೆ.

  

  ಅತ್ತೂರು ಜಾತ್ರೆಗೆ ಎಂದು ಮೃತ ಕೇಶವ ಬಂಗೇರ ಮತ್ತು ಮುರಳಿ ಒಂದು ಬೈಕಿನಲ್ಲಿ ಹಾಗೂ ಮತ್ತಿಬ್ಬರು ಸಂಬಂಧಿಕರು ಇನ್ನೊಂದು ಬೈಕಿನಲ್ಲಿ ಹೊರಟಿದ್ದರು. ಆಗ ಅಪರಿಚಿತ ಕಾರು ವೇಗವಾಗಿ ಬಂದು ಸಂಬಂಧಿಕರಿದ್ದ ಬೈಕ್ ನ್ನು ಓವರ್ ಟೇಕ್ ಮಾಡಿ ಮುಂಭಾಗದಲ್ಲಿ ಹೋಗುತ್ತಿದ್ದ ಕೇಶವ ಬಂಗೇರಾ ಅವರ ಬೈಕ್ ಗೆ ಡಿಕ್ಕಿ ಹೊಡೆದು ಪರಾರಿಯಾಗಿದೆ. ಢಿಕ್ಕಿಯ ಪರಿಣಾಮ ಬೈಕ್ ಸಮೇತ ಚರಂಡಿಗೆ ಬಿದ್ದ ಕೇಶವ ಬಂಗೇರ ಆವರನ್ನು ಸಂಬಂಧಿಕರು ತಕ್ಷಣ ಕಾರ್ಕಳ ಆಸ್ಪತ್ರೆಗೆ ದಾಖಲಿಸಿದರೂ ತಲೆಗೆ ಬಲವಾದ ಪೆಟ್ಟು ಬಿದ್ದ ಪರಿಣಾಮ ಚಿಕಿತ್ಸೆ ಫಲಕಾರಿಯಾಗಲೇ ಮೃತಪಟ್ಟಿದ್ದಾರೆ ಎಂದು ತಿಳಿದು ಬಂದಿದೆ.
  ಘಟನೆ ಕುರಿತಂತೆ ಕಾರ್ಕಳ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.