ಸಿಎಂ ರಾಜೀನಾಮೆ ನೀಡಲಿ ನಾವು ಬೇಡ ಎನ್ನುವುದಿಲ್ಲ

•   Mon, Jan 28 2019 11:09:44 PM



• ಕುಂದಾಪುರ, ಜ 28(SM): ಮುಖ್ಯಮಂತ್ರಿ ಅಧಿಕಾರದಿಂದ ಕೆಳಗಿಳಿಯಲು ಸಿದ್ದ ಎನ್ನುತ್ತಿದ್ದಾರೆ. ಕಾಂಗ್ರೇಸ್ ಶಾಸಕರು ಅವರಿಗೆ ಸಹಕಾರ ನೀಡುತ್ತಿಲ್ಲವಂತೆ. ಬಜೆಟ್ ತಯಾರಿ ನಡೆಯುವಾಗಲೇ ಕಾಂಗ್ರೇಸ್ ಶಾಸಕರ ಅಸಹಕಾರದ ಬಗ್ಗೆ ಸಿಎಂ ಮಾತನಾಡಿದ್ದಾರೆ. ಕಾಂಗ್ರೆಸ್-ಜೆಡಿಎಸ್ ನಡುವೆ ಪರಸ್ಪರ ಸಹಕಾರ ಇಲ್ಲ ಎಂದು ವಿಧಾನ ಪರಿಷತ್ ವಿಪಕ್ಷ ನಾಯಕ ಶ್ರೀನಿವಾಸ್ ಪೂಜಾರಿ ಹೇಳಿದ್ದಾರೆ.

  

  ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಜೆಡಿಎಸ್ ನವರು ಕಾಂಗ್ರೇಸ್ ನ ಬೆಂಬಲ ಪಡೆಯುವ ಮಾನಸಿಕ ಸ್ಥಿತಿಯಲ್ಲಿ ಇಲ್ಲ. ಸಿಎಂ ರಾಜಿನಾಮೆ ಕೊಡುತ್ತಾರೆ ಎಂದಾದರೆ ನಾವು ಬೇಡ ಅನ್ನುವುದಿಲ್ಲ. ಕಾಂಗ್ರೇಸ್ ಶಾಸಕರು ಸಿದ್ದರಾಮಯ್ಯನೇ ನಮ್ಮ ಸಿಎಂ ಎಂದು ನೇರವಾಗಿ ಹೇಳುತ್ತಿದ್ದಾರೆ. ಇಷ್ಟು ಹೇಳಿದ ಮೇಲೆ ಪರಸ್ಪರ ವಿಶ್ವಾಸ ಇಲ್ಲ ಎನ್ನುವುದು ಖಚಿತ. ಬರುವ ಸದನದಲ್ಲಿ ಸರ್ಕಾರದ ಅರಾಜಕತೆ ಬಗ್ಗೆ ಧ್ವನಿ ಎತ್ತುತ್ತೇವೆ ಎಂದರು.

  ಯಡಿಯೂರಪ್ಪ ನೇತೃತ್ವದಲ್ಲಿ ಪ್ರಬಲ ವಿರೋಧ ಪಕ್ಷದ ಕೆಲಸ ಮಾಡುತ್ತಿದ್ದೇವೆ. ಮುಂದೆ ಕಾಲ ಏನು‌ ನಿರ್ಧರಿಸುತ್ತದೆ ಎನ್ನುವುದನ್ನು ನಾವು ನೋಡೋಣ ಎಂದು ಅವರು ಹೇಳಿದ್ದಾರೆ.