ಮಂಗಳೂರು ನಗರದ ಸ್ವಚ್ಛತೆಗೆ ಎಲ್ಲರ ಸಹಕಾರದ ಅಗತ್ಯವಿದೆ - ಯು.ಟಿ. ಖಾದರ್

•   Sun, Jan 27 2019 12:19:46 PM



• ಮಂಗಳೂರು, ಜ27(SS): ಮಂಗಳೂರು ನಗರದ ನೈರ್ಮಲ್ಯ ಸ್ವಚ್ಛತೆಗೆ ಎಲ್ಲರ ಸಹಕಾರ ಅಗತ್ಯ ಎಂದು ನಗರಾಭಿವೃದ್ಧಿ ಸಚಿವ ಯು.ಟಿ. ಖಾದರ್ ಹೇಳಿದ್ದಾರೆ.

  

  ಮಂಗಳೂರು ನಗರಾಭಿವೃದ್ಧಿ ಪ್ರಾಧಿಕಾರ ಮತ್ತು ಮಹಾನಗರ ಪಾಲಿಕೆ ಇವರ ಜಂಟಿ ಸಹಯೋಗದಲ್ಲಿ ನಿರ್ಮಾಣಗೊಂಡ ಉರ್ವ ಮಾರುಕಟ್ಟೆ ಮತ್ತು ವಾಣಿಜ್ಯ ಸಂಕೀರ್ಣ ವನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಮಂಗಳೂರು ಮಹಾನಗರ ಪಾಲಿಕೆ ರಾಜ್ಯದಲ್ಲಿ ಉತ್ತಮ ಮಹಾನಗರ ಪಾಲಿಕೆ ಎಂಬ ಹೆಸರಿದೆ. ಇದರ ಮುಂದುವರಿಕೆಗೆ ಎಲ್ಲರ ಸಹಾಯ ಅಗತ್ಯ ಎಂದು ಹೇಳಿದರು.

  ಮಂಗಳೂರು ನಗರದ ಜನಸಾಮಾನ್ಯರು ಹೆಚ್ಚಿನ ಸಂಖ್ಯೆಯಲ್ಲಿ ನೀರಿನ ತೆರಿಗೆ ಪಾವತಿಸುತ್ತಾರೆ. ಆದರೆ ನಗರದ ಬಹುಮಹಡಿಗಳ ಕಟ್ಟಡಗಳನ್ನು ಹೊಂದಿರುವವರು ದೊಡ್ಡ ಮೊತ್ತದ ತೆರಿಗೆ ಪಾವತಿಸದೆ ಬಾಕಿ ಉಳಿಸಿದ್ದಾರೆ. ಈ ಸಮಸ್ಯೆ ಬಗೆಹರಿಸಲು ಮುಂದಿನ ಹಂತದಲ್ಲಿ 4 ಮಹಡಿಯ ಸಂಕೀರ್ಣಗಳನ್ನು ಹೊಂದಿರುವವರು ತೆರಿಗೆ ಕಟ್ಟದಿದ್ದರೆ ಸ್ವಯಂ ಚಾಲಿತ ತಾಂತ್ರಿಕ ವ್ಯವಸ್ಥೆಯಿಂದ ನೀರಿನ ಸಂಪರ್ಕ ಸ್ಥಗಿತಗೊಳಿಸುವ ವ್ಯವಸ್ಥೆಯನ್ನು ಮುಂದಿನ ಹಂತದಲ್ಲಿ ಮಂಗಳೂರು ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ ಜಾರಿಗೊಳಿಸುವ ಚಿಂತನೆ ಇದೆ ಎಂದು ಸೂಚನೆ ನೀಡಿದ್ದಾರೆ.