ಉಡುಪಿ: ತಡರಾತ್ರಿ ಝಳಪಿಸಿದ ತಲ್ವಾರ್ - ಯುವಕರಿಬ್ಬರ ಬರ್ಬರ ಹತ್ಯೆ

•   Sun, Jan 27 2019 09:22:04 AM



• ಉಡುಪಿ, ಜ27(SS): ತಲವಾರಿನಿಂದ ಹಲ್ಲೆ ನಡೆಸಿ ಯುವಕರಿಬ್ಬರನ್ನು ಭೀಕರವಾಗಿ ಕೊಲೆ ಮಾಡಿರುವ ಘಟನೆ ಜಿಲ್ಲೆಯ ಬ್ರಹ್ಮಾವರ ತಾಲೂಕಿನ ಕೋಟದಲ್ಲಿ ನಡೆದಿದೆ.

  

  ಭರತ್ ಮತ್ತು ಯತೀಶ್ ಕೊಲೆಯಾದ ಯುವಕರು ಎಂದು ತಿಳಿದುಬಂದಿದೆ.

  ಕೋಟ ರಾಜಲಕ್ಷ್ಮಿ ಸಭಾಂಗಣದ ಬಳಿ ದುಷ್ಕರ್ಮಿಗಳು ಶನಿವಾರ ತಡರಾತ್ರಿ ತಲವಾರಿನಿಂದ ಭರತ್ ಮತ್ತು ಯತೀಶ್ ಹಲ್ಲೆ ಮಾಡಿ ಪರಾರಿಯಾಗಿದ್ದಾರೆ. ಯುವಕರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ, ಚಿಕಿತ್ಸೆ ಫಲಕಾರಿಯಾಗದೇ ಆಸ್ಪತ್ರೆಯಲ್ಲಿ ಇಬ್ಬರೂ ಮೃತಪಟ್ಟಿದ್ದಾರೆ.

  ಭರತ್ ಮತ್ತು ಯತೀಶ್ ಇಬ್ಬರು ತಮ್ಮ ಸ್ನೇಹಿತ ಲೋಹಿತ್ ಎಂಬವನಿಗೆ ಬೆಂಬಲಿಸಿದ್ದಕ್ಕೆ ಇಬ್ಬರ ಮೇಲೆ ಹಲ್ಲೆ ಮಾಡಿದ್ದಾರೆ ಎಂದು ತಿಳಿದುಬಂದಿದೆ. ಮಾತ್ರವಲ್ಲ, ಜಮೀನಿಗೆ ಸಂಬಂಧಿಸಿದ ವಿಚಾರದಲ್ಲಿ ನಡೆದ ಜಗಳ ಎಂದು ಮೂಲಗಳು ತಿಳಿಸಿದೆ.

  ಕೋಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆಯುತ್ತಿದೆ.