ಬುರ್ಖಾ ಧರಿಸಿ ಬಂದು ಕಳ್ಳತನ - ಕುಂಬಳೆಯಲ್ಲಿ ಸಕ್ರಿಯವಾಗಿದೆ ಚಾಲಾಕಿ ಕಳ್ಳಿಯರ ಗ್ಯಾಂಗ್

•   Wed, Jan 23 2019 11:00:41 AM



• ಕುಂಬಳೆ, ಜ 23(MSP): ಬುರ್ಖಾ ಧರಿಸಿ ಹಾಡುಹಗಲೇ ಕಳ್ಳತನ ಮಾಡುವ ಚಾಲಾಕಿ ಗ್ಯಾಂಗ್ ವೊಂದು ಕುಂಬಳೆಯಲ್ಲಿ ಸಕ್ರಿಯವಾಗಿದೆ. ಕುಂಬಳೆ ಪೇಟೆಯಲ್ಲಿ ಕಳೆದ ಮೂರು ತಿಂಗಾಳಲ್ಲಿ ಮೂರು ಬಾರಿ ಹಗಲು ವೇಳೆಯಲ್ಲಿ ಬೆಲೆ ಬಾಳುವ ಬಟ್ಟೆ ಬರೆಗಳನ್ನು ಎಗರಿಸಲಾಗಿದೆ

  

  ಸಾಂದರ್ಭಿಕ ಚಿತ್ರ

  ಬುರ್ಖಾ ಧರಿಸಿ ಮುಖವನ್ನು ಸಂಪೂರ್ಣವಾಗಿ ಮುಚ್ಚಿ ಅಂಗಡಿಗಳಿಗೆ ಎಂಟ್ರಿ ಕೊಡುವ ತಂಡವಾಗಿ ಬರುವ ಮಹಿಳೆಯರಲ್ಲಿ ಒಬ್ಬಳು ಅದು ಕೊಡಿ ಇದು ಕೊಡಿ ಎಂದು ಸೆಲ್ಸ್ ಮೆನ್ಸ್ ಗಳ ಗಮನ ಬೇರೆಡೆ ಸೆಳೆಯುತ್ತಾರೆ. ಆಗ ಉಳಿದ ಕಳ್ಳಿಯರು ಬೆಳೆಬಾಳುವ ಬಟ್ಟೆ ಬರೆಗಳನ್ನು ಬುರ್ಖಾದೊಳಗೆ ಸೇರಿಸಿಕೊಳ್ಳುತ್ತಾರೆ.

  ಮೂರು ದಿನಗಳ ಹಿಂದೆಯಷ್ಟೇ ಕುಮ್ಬಳೆಯ ಬಟ್ಟೆಯಂಗಡಿಯೊಂದರಲ್ಲಿ ಬೆಲೆಬಾಳುವ 4 ಟಾಪ್ ಗಳನ್ನು ಕಳವು ಮಾಡಲಾಗಿದೆ. ಅಂಗಡಿಗೆ ಬಂದ ಮಹಿಳೆಯರು ಎಲ್ಲಾ ಬಟ್ಟೆ ಬರೆಗಳನ್ನು ತೆಗೆದು ನೋಡಿದ ಬಳಿಕ ಮತ್ತೆ ಬರುತ್ತೇವೆ ಎಂದು ಹೇಳಿ ಹೋಗಿದ್ದರು. ಈ ಸಂದರ್ಭ ಸಂಶಯವಾಗಿ ಕೂಲಂಕುಷವಾಗಿ ಪರಿಶೀಲಿಸಿದಾಗ ಮತ್ತೆ ಕಳವು ನಡೆಸಿದ್ದು ತಿಳಿದುಬಂದಿದೆ. ಅಲ್ಲದೇ ಕಳ್ಳತನ ನಡೆಸುವ ದೃಶ್ಯ ಸಿಸಿ ಟಿವಿಯಲ್ಲಿ ಸೆರೆಯಾಗಿದೆ.