’ಸಾವಿರದ ಶರಣನಿಗೆ ಸಾವಿರದ ಶರಣು ’ - ಮಂಗಳೂರಿನಲ್ಲಿ ಸಿದ್ಧಗಂಗಾ ಮಠದ ಹಳೆ ವಿದ್ಯಾರ್ಥಿಯ ವಿಶೇಷ ನಮನ

•   Tue, Jan 22 2019 02:30:25 PM



• ಮಂಗಳೂರು, ಜ 22(MSP): ಸಿದ್ಧಗಂಗಾ ಮಠದ ಡಾ.ಶಿವಕುಮಾರ ಸ್ವಾಮೀಜಿ ಲಿಂಗೈಕ್ಯರಾದ ಹಿನ್ನಲೆ ಮಠದ ಹಳೆ ವಿದ್ಯಾರ್ಥಿ ಮಂಗಳೂರಿನಲ್ಲಿ ವಿಶೇಷವಾಗಿ ಗುರುವಂದನೆ ಸಲ್ಲಿಸಿದ್ದಾರೆ.

  

  

  ಮಂಗಳೂರಿನ ಛಾಯಾಗ್ರಾಹಕ ಪುನೀಕ್ ಶೆಟ್ಟಿ ಪಣಂಬೂರು ಕಡಲ ಕಿನಾರೆಯಲ್ಲಿ ಮರಳಿನಲ್ಲಿ ಶ್ರೀಗಳ ಚಿತ್ರ ರಚಿಸಿ ಶ್ರದ್ಧಾಪೂರ್ವಕವಾದ ಅಂತಿಮ‌ನಮನ ಸಲ್ಲಿಸಿದ್ದಾರೆ. ಸಿದ್ದಗಂಗಾ ಮಠದಲ್ಲಿ 6 ವರ್ಷ ವಿದ್ಯಾರ್ಜನೆ ಮಾಡಿರುವ ಪುನೀಕ್ ,ಸ್ವಾಮೀಜಿಯವರಿಂದ ಸ್ಪೂರ್ತಿ ಗೆ ಒಳಗಾಗಿ ಛಾಯಾಗ್ರಹಣ ಕ್ಷೇತ್ರದಲ್ಲಿ ಸಾಧನೆ ಮಾಡಿದ್ದಾರೆ.. ತಾಯಿ ಮಡಿದ ಬಳಿಕ ಸಿದ್ಧಗಂಗಾ ಮಠ, ಸ್ವಾಮೀಜಿ ಗಳೇ ತಾಯಿಯ ಪ್ರೀತಿ ನೀಡಿದ್ದಾರೆ ಎಂದು ನೆನಪಿಸಿಕೊಂಡಿದ್ದಾರೆ.

  ಕೋಟ್ಯಂತರ ಬಡ ವಿಧ್ಯಾರ್ಥಿಗಳ ಆಶಾ ಕಿರಣ, ಕಾಯಕಯೋಗಿ, ನಡೆದಾಡುವ ದೇವರು, ಶತಾಯುಷಿ ಸಿದ್ಧಗಂಗಾ ಮಠದ ಪರಮ ಪೂಜ್ಯರು ಶ್ರೀ ಶ್ರೀ ಶ್ರೀ ಡಾ. ಶಿವಕುಮಾರ ಸ್ವಾಮೀಜಿ ಅವರಿಗೆ ಭಕ್ತಿಪೂರ್ವಕ ಶ್ರದ್ಧಾಂಜಲಿ. ನಿಮ್ಮ ಬದುಕೇ ನಮಗೆ ಮಾರ್ಗದರ್ಶನ ಎಂದು ಪುನೀಕ್ ಹೇಳಿಕೊಂಡಿದ್ದಾರೆ