ಪುತ್ತೂರು: ಅಪರಿಚಿತ ವಾಹನ ಢಿಕ್ಕಿ- ದ್ವಿಚಕ್ರ ವಾಹನ ಸವಾರ ಸಾವು

•   Tue, Jan 22 2019 10:52:43 AM



• ಪುತ್ತೂರು,ಜ 22(MSP): ಅಪರಿಚಿತ ವಾಹನವೊಂದು ಢಿಕ್ಕಿ ಹೊಡೆದ ಪರಿಣಾಮ ಆ್ಯಕ್ಟಿವ್‌ ಹೋಂಡಾ ಸವಾರರೊಬ್ಬರು ಮೃತಪಟ್ಟ ಘಟನೆ ಬೆಳ್ತಂಗಡಿ ತಾಲ್ಲೂಕಿನ ಹತ್ಯಡ್ಕ ಗ್ರಾಮದ ನಿಡ್ಲೆ ಸಮೀಪ ಸೋಮವಾರ ನಡೆದಿದೆ.

  

  ತಾಲ್ಲೂಕಿನ ಅರಸಿನ ಮಕ್ಕಿ ಗ್ರಾಮದ ಮುದ್ದಿಗೆ ನಿವಾಸಿ ಶೇಷಪ್ಪ ಶೆಟ್ಟಿ (62) ಮೃತಪಟ್ಟವರು. ಕೃಷಿಕರಾದ ಶೇಷಪ್ಪ ಶೆಟ್ಟಿ ಕೊಕ್ಕಡದಿಂದ ಬೆಳ್ತಂಗಡಿ ಕಡೆಗೆ ಬೈಕ್‌ನಲ್ಲಿ ಹೋಗುತ್ತಿದ್ದ ವೇಳೆ ಹತ್ಯಡ್ಕ ಗ್ರಾಮದ ನಿಡ್ಲೆ ಸಮೀಪ ಅಪರಿಚಿತ ವಾಹನವೊಂದು ಡಿಕ್ಕಿ ಹೊಡೆದು ಈ ದುರಂತ ಸಂಭವಿಸಿದೆ. ಡಿಕ್ಕಿ ಹೊಡೆದ ಚಾಲಕ ವಾಹನ ನಿಲ್ಲಿಸದೇ ಸ್ಥಳದಿಂದ ಪರಾರಿಯಾಗಿದ್ದಾನೆ.

  ವಾಹನ ಡಿಕ್ಕಿ ಹೊಡೆದ ರಭಸಕ್ಕೆ ಶೇಷಪ್ಪ ಶೆಟ್ಟಿ ಅವರು ಧರಿಸಿದ್ದ ಹೆಲ್ಮೆಟ್ ಒಡೆದು ಹೋಗಿ ತಲೆಯ ಭಾಗಕ್ಕೆ ಗಂಭೀರ ಗಾಯಗಳಾಗಿವೆ. ಚಿಂತಾಜನಕ ಸ್ಥಿತಿಯಲ್ಲಿದ್ದ ಅವರನ್ನು ಚಿಕಿತ್ಸೆಗಾಗಿ ಪುತ್ತೂರಿಗೆ ಕರೆದೊಯ್ಯುತ್ತಿದ್ದ ವೇಳೆ ದಾರಿ ಮಧ್ಯೆ ಮೃತಪಟ್ಟಿದ್ದಾರೆ.ಪುತ್ತೂರಿನ ಸರ್ಕಾರಿ ಆಸ್ಪತ್ರೆಯಲ್ಲಿ ಮರಣೋತ್ತರ ಪರೀಕ್ಷೆ ನಡೆಸಲಾಗಿದೆ. ಮೃತರ ಪುತ್ರ ರಕ್ಷಿತ್ ಶೆಟ್ಟಿ ನೀಡಿದ ದೂರಿನಂತೆ ಬೆಳ್ತಂಗಡಿ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.