ಕಾರವಾರ: ಭೀಕರ ದೋಣಿ ದುರಂತ -9 ಜನರ ಶವ ಪತ್ತೆ - ಮುಂದುವರಿದ ಶೋಧ ಕಾರ್ಯಾಚರಣೆ

•   Mon, Jan 21 2019 04:25:26 PM



• ಕಾರವಾರ,ಜ 21(MSP): ಉತ್ತರ ಕನ್ನಡ ಜಿಲ್ಲೆಯ ಕಾರವಾರ ಬಳಿಯ ಸಾಗರ ದರ್ಶನದ ಬಳಿ ದೋಣಿ ದುರಂತ ಸಂಭವಿಸಿ 9 ಜನರು ಸಾವನಪ್ಪಿದ ಘಟನೆ ಜ 21 ರ ಸೋಮವಾರ ನಡೆದಿದೆ. 

  

  

  

  

  

  ಕೂರ್ಮಗಡ ಜಾತ್ರೆಗೆ ತೆರಳಿ ಮರಳುತ್ತಿದ್ದ ಸಂದರ್ಭ ದೋಣಿ ಸಮುದ್ರದಲ್ಲಿ ಮುಳುಗಿದೆ. ಘಟನೆಯಲ್ಲಿ 9 ಮಂದಿ ಮೃತಪಟ್ಟಿದ್ದಾರೆ. ದೋಣಿಯಲ್ಲಿ ಸುಮಾರು 22 ಮಂದಿ ಇದ್ದರು ಎನ್ನಲಾಗಿದ್ದು, ಅವರು ಕೂರ್ಮಗಡ ಜಾತ್ರೆಗೆ ಹೋಗಿ ವಾಪಸ್ ಬರುತ್ತಿದ್ದ ವೇಳೆ ಈ ಘಟನೆ ನಡೆದಿದೆ.

  ಉಳಿದವರಿಗಾಗಿ ಶೋಧ ಕಾರ್ಯ ನಡೆಯುತ್ತಿದ್ದು, ಕರಾವಳಿ ಕಾವಲು ಪಡೆ ಮತ್ತು ಸ್ಥಳೀಯ ಮೀನುಗಾರರು ಶೋಧಕಾರ್ಯ ನಡೆಸುತ್ತಿದ್ದಾರೆ. ಸ್ಥಳಕ್ಕೆ ಪೊಲೀಸ್ ಅಧಿಕಾರಿಗಳು ಹಾಗೂ ಜಿಲ್ಲಾಧಿಕಾರಿ ನಕುಲ್​ ಭೇಟಿ ನೀಡಿದ್ದಾರೆ.

  ಶೋಧ ಕಾರ್ಯ ಮುಂದುವರೆದಿದೆ.