ಕಾರ್ಕಳ: ಗದ್ದೆಗೆ ಉರುಳಿ ಬಿದ್ದ ಕಾರು - ಚಾಲಕ ಪಾರು

•   Sun, Jul 10 2022 06:37:56 PM



• ಕಾರ್ಕಳ, ಜು 10 (DaijiworldNews/HR): ಮರ್ಣೆಗ್ರಾಮದ ಎಣ್ಣೆಹೊಳೆ ಹಂಚಿಕಟ್ಟೆ ಪಡ್ಡೆಲುಮಾರು ಎಂಬಲ್ಲಿ ಇರ್ಟಿಗಾ ವಾಹನವೊಂದು ಗದ್ದೆಗೆ ಉರುಳಿದ ಘಟನೆ ಸಂಭವಿಸಿದೆ.

  ಅಜೆಕಾರಿನ ಉದ್ಯಮಿಯೊರ್ವರಿಗೆ ಸೇರಿದ ವಾಹನವಾಗಿದೆ. ಧಾರಾಕಾರವಾಗಿ ಸುರಿಯುತಿದ್ದ ಮಳೆಗೆ ರಸ್ತೆ ಮುಂದಿನ ದಿಕ್ಕು ಮಸುಕಾಗಿ ಈ ಘಟನೆ ಸಂಭವಿಸಿರಬಹುದೆಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.

  ವಾಹನ ಮುನ್ನುಗ್ಗಿ ಗದ್ದೆಗೆ ಉರುಳಿ ಬಿದ್ದಿದ್ದು, ಅಪಾಯದಿಂದ ಚಾಲಕ ಪಾರಾಗಿದ್ದಾರೆ.

  ಪಡ್ಡೆಲುಮಾರು ತಿರುವು ಅಪಾಯಕಾರಿ ಯಾಗಿ ಪರಿಣಮಿಸಿದ್ದು ಕೆಲವು ವರ್ಷಗಳ ಹಿಂದೆ ಸರಣಿ ಅಪಘಾತಗಳು ನಡೆದಿವೆ.