ಕಾರ್ಕಳ: ಮನೆಗೆ ನುಗ್ಗಿ ಲಕ್ಷಾಂತರ ಮೌಲ್ಯದ ಚಿನ್ನಾಭರಣ ಕಳವು -ಕೇಸು ದಾಖಲು

•   Sat, Jul 09 2022 08:31:25 PM



• ಕಾರ್ಕಳ, ಜು 09 (DaijiworldNews/HR): ಮುಡಾರು ಬಜಗೋಳಿ ಎಂಬಲ್ಲಿನ ಮನೆಯೊಂದಕ್ಕೆ ನುಗ್ಗಿದ ಕಳ್ಳರು ಲಕ್ಷಾಂತರ ಬೆಲೆಬಾಳುವ ಚಿನ್ನಾಭರಣ ಕಳವುಗೈದ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

  ಜುಲಾಯಿ 07 ರಂದು ಮಧ್ಯಾಹ್ನ 1:30 ಗಂಟೆಯಿಂದ 09 ರಂದು 01:00 ಗಂಟೆಯ ನಡುವಿನ ಅವಧಿಯಲ್ಲಿ ಈ ಕೃತ್ಯಯು ಬಿಜು ಜೋಸ್(49) ಎಂಬವರ ಮನೆಯಲ್ಲಿ ನಡೆದಿದೆ.

  ಮನೆಯ ಮುಂಬಾಗಿಲನ್ನು ಯಾರೋ ಕಳ್ಳರು ಯಾವುದೋ ಸಾಧನದಿಂದ ಮೀಟಿ ಮುರಿದು ಒಳ ಪ್ರವೇಶಿಸಿ ಮಲಗುವ ಕೋಣೆಯಲ್ಲಿದ್ದ ಸ್ಟೀಲ್ ಗೋದ್ರೇಜ್ ನ ಬಾಗಿಲನ್ನು ಕೂಡಾ ಯಾವುದೋ ಸಾಧನದಿಂದ ಬಲಾತ್ಕಾರವಾಗಿ ಮೀಟಿ ಕೆಂಪು ಬಣ್ಣದ ಬಾಕ್ಸ್ ನಲ್ಲಿ ಇರಿಸಿದ್ದ ರೂ. 1,30,000 ಮೌಲ್ಯದ 15 ಗ್ರಾಂ ತೂಕದ ಎರಡು ಚಿನ್ನದ ಚೈನ್ ಮತ್ತು 8 ಗ್ರಾಂ ತೂಕದ 4 ಜೊತೆ ಚಿನ್ನದ ಕಿವಿಯ ಟಿಕ್ಕಿ, ನಗದು ರೂ.15,000 ನಗದು ಹಾಗೂ ಮನೆಯ ಹಾಲ್‌‌ನಲ್ಲಿ ಇರಿಸಿದ್ದ ರೂ. 1500 ರೂಪಾಯಿ ಮೌಲ್ಯದ ಸಿಸಿ ಕ್ಯಾಮರಾದ ಹಾರ್ಡ್ಡಿಸ್ಕ್ ನ್ನು ಕಳವು ಮಾಡಿದ್ದಾರೆ.

  ಈ ಬಗ್ಗೆ ಕಾರ್ಕಳ ಗ್ರಾಮಾಂತರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.