ಕಾರ್ಕಳ: ಜಾತಿ ನಿಂದನೆನೆಗೈದು ಹಲ್ಲೆ -ಕೇಸು ದಾಖಲು

•   Sat, Jun 25 2022 08:52:33 PM



• ಕಾರ್ಕಳ, ಜೂ 25 (DaijiworldNews/HR): ಕೌಡೂರು ಗ್ರಾಮದ ರಂಗನಪಲ್ಕೆಯ ಬಾರ್ ಮತ್ತು ರೆಸ್ಟೋರೆಂಟ್ ಬಳಿ ನಿಂತುಕೊಂಡಿದ್ದ ದಲಿತ ಸಮುದಾಯದ ವ್ಯಕ್ತಿಯೊಬ್ಬರಿಗೆ ಇಬ್ಬರು ವ್ಯಕ್ತಿಗಳು ಜಾತಿ ನಿಂದನೆನೆಗೈದು ಹಲ್ಲೆ ನಡೆಸಿರುವ ಘಟನೆ ನಡೆದಿದೆ.

  ಭಾಸ್ಕರ (42 ) ಘಟನೆಯಲ್ಲಿ ಗಾಯಗೊಂಡವರು.

  ಮೇಸ್ತ್ರಿ ಕೆಲಸ ಮಾಡುತ್ತಿದ್ದ ಅವರು ಕೌಡೂರು ಗ್ರಾಮದ ರಂಗನಪಲ್ಕೆಯ ಬಾರ್ ಮತ್ತು ರೆಸ್ಟೋರೆಂಟ್ ಬಳಿ ನಿಂತುಕೊಂಡಿರುವಾಗ ಐವನ್ ಡಿಸೋಜಾ ಹಾಗೂ ಹರೀಶ ಪೂಜಾರಿ ಜಾತಿ ನಿಂದನೆಗೈದು ಹಲ್ಲೆಗೈದು ಜೀವ ಬೆದರಿಕೆಯೊಡ್ಡಿದ್ದಾರೆ.

  ಗಾಯಾಳು ಕಾರ್ಕಳ ಸರಕಾರಿ ಆಸ್ಪತ್ರೆಯಲ್ಲಿ ಒಳರೋಗಿಯಾಗಿ ಚಿಕಿತ್ಸೆ ಪಡೆದಿರುತ್ತಾರೆ.

  ಈ ಬಗ್ಗೆ ನಗರ ಠಾಣೆಯಲ್ಲಿ ಕೇಸು ದಾಖಲಾಗಿದೆ.