ಮಂಗಳೂರು: ’ನಾನು ಬಕೆಟ್ ಹಿಡಿದವನಲ್ಲ’-ತಾಕತ್ತಿದ್ದರೆ ಚುನಾವಣೆಯಲ್ಲಿ ಎದುರಿಸಿ - ಐವನ್’ಗೆ ಸಂಸದ ನಳಿನ್ ಸವಾಲ್

•   Thu, Jan 17 2019 11:43:47 AM



• ಮಂಗಳೂರು,ಜ 17(MSP): ಮುಂಬರುವ ಲೋಕಸಭಾ ಚುನಾವಣೆ ಸಮೀಪಿಸುತ್ತಿರುವಂತೆಯೇ ಕರಾವಳಿಯಲ್ಲಿ ರಾಜಕೀಯ ನಾಯಕರುಗಳು ಆರೋಪ ಪ್ರತ್ಯಾರೋಪದ ಹೇಳಿಕೆಗಳು ಜೋರಾಗತೊಡಗಿದೆ. ಸಂಸದ ನಳಿನ್ ಕುಮಾರ್ ಕಟೀಲ್ ವಿಧಾನಪರಿಷತ್ ಸದಸ್ಯ ಐವನ್ ಡಿಸೋಜ ಅವರ ವಿರುದ್ದ ಟ್ವಿಟರ್ ನಲ್ಲಿ ಹಾರಿಹಾಯ್ದಿದ್ದಾರೆ.

  

  " ಐವನ್ ಡಿ'ಸೋಜರೇ, ನಾನು ಬಕೆಟ್ ಹಿಡಿದು ಹಿಂಬಾಗಿಲ ಮೂಲಕ ಅಧಿಕಾರ ಹಿಡಿದವನಲ್ಲ, ತಾಕತ್ತಿದ್ದರೆ ಮುಂದಿನ ಚುನಾವಣೆಯಲ್ಲಿ ನನ್ನನ್ನು ಎದುರಿಸಿ, ಅದು ಬಿಟ್ಟು ನೀಚ ರಾಜಕಾರಣಕ್ಕೆ ಇಳಿದು ಬಾಯಿಗೆ ಬಂದ ಹಾಗೆ ಮಾತನಾಡಿದರೆ ಸಿಕ್ಕ ಅಧಿಕಾರವನ್ನೂ ಕಳೆದುಕೊಳ್ಳಬೇಕಾದೀತು ಎಚ್ಚರಿಕೆ ಎಂದು ಖಡಕ್ ಮಾತಿನ ಮೂಲಕ ಸವಾಲ್ ಹಾಕಿದ್ದಾರೆ.

  ಐವನ್ ಡಿಸೋಜ ಅವರು ವಿಜಯಾ ಬ್ಯಾಂಕ್ ವಿಲೀನ ವಿರೋಧಿಸಿ ನಡೆಸಿದ ಸತ್ಯಾಗ್ರಹದ ಸಂದರ್ಭ, ಮೋದಿ ಪೂಜೆ ಮಾಡುವ ಸಂಸದರು ನಮ್ಮ ಜಿಲ್ಲೆಗೆ ಕಳಂಕ. ಪ್ರಧಾನಿ ನರೇಂದ್ರ ಮೋದಿ ಮೇಲೆ ಒತ್ತಡ ತಂದು ವಿಜಯ ಬ್ಯಾಂಕ್ ವಿಲೀನ ಪ್ರಕ್ರಿಯೆ ಸ್ಥಗಿತಗೊಳಿಸದಿದ್ದರೆ ಸಂಸದ ನಳಿನ್‌ಕುಮಾರ್ ಕಟೀಲ್ ಅವರ ಬಟ್ಟೆ ಹರಿಯುತ್ತೇವೆ, ಕೈಕಾಲು ಎಳೆಯುತ್ತೇವೆ. ಸಂಸದರು ಏನು ಮಾಡುತ್ತಿದ್ದಾರೆ? ಅವರು ಲೋಕಸಭೆಯಲ್ಲಿ ಮಾತನಾಡದಿದ್ದರೆ ನಾಲಾಯಕ್, ಅವರ ಕೈಕಾಲು ಎಳೆದು ಬಟ್ಟೆ ಹರಿಯುಬೇಕು ಎಂದು ಹೇಳಿಕೆ ನೀಡಿದ್ದರು.