ಉಡುಪಿ: ಮೆಹಂದಿಯ ಡ್ಯಾನ್ಸ್ ವೇಳೆ ಹೃದಯಾಘಾತ-ವ್ಯಕ್ತಿ ಮೃತ್ಯು

•   Wed, Jun 22 2022 11:25:35 PM



• ಉಡುಪಿ: ಜೂ 22 (DaijiworldNews/SM): ಮೆಹಂದಿ ಕಾರ್ಯಕ್ರಮವೊಂದರಲ್ಲಿ ನೃತ್ಯ ಮಾಡುತಿದ್ದ ಸಂದರ್ಭದಲ್ಲಿಯೇ ಹೃದಯಾಘಾತದಿಂದ ವ್ಯಕ್ತಿಯೊಬ್ಬರು ಮೃತಪಟ್ಟ ಘಟನೆ ಉಡುಪಿಯ ಅಂಬಾಗಿಲುವಿನಲ್ಲಿ ನಡೆದಿದೆ. ಗಣಪತಿ ಆಚಾರ್ಯ (56) ಮೃತಪಟ್ಟವರು.

  ರಾತ್ರಿ ಮನೆಯ ಬಳಿ ನಡೆಯುತಿದ್ದ ಮೆಹಂದಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಇವರು ನೃತ್ಯ ಮಾಡುತಿದ್ದ ಸಂದರ್ಭದಲ್ಲಿಯೇ ಕುಸಿದು ಬಿದ್ದಿದ್ದರು. ತಕ್ಷಣವೇ ಚಿಕಿತ್ಸೆಗಾಗಿ ಮಣಿಪಾಲ ಆಸ್ಪತ್ರೆಗೆ ಕೊಂಡೊಯ್ಯುಲಾಯಿತಾದರೂ ಆಸ್ಪತ್ರೆಯಲ್ಲಿ ಪರೀಕ್ಷಿಸಿದ ವೈದ್ಯರು ಗಣಪತಿ ಆಚಾರ್ಯ ಅವರು ಮೃತಪಟ್ಟಿದ್ದಾರೆ ಎಂದು ತಿಳಿಸಿದರು.

  ಗಣಪತಿ ಆಚಾರ್ಯ ಅವರು ಚಿನ್ನದ ಆಭರಣ ತಯಾರಿಕೆಯ ಜೊತೆಗೆ ಪಿಗ್ಮಿ ಸಂಗ್ರಾಹಕರಾಗಿಯೂ ಕಾರ್ಯನಿರ್ವಹಿಸುತಿದ್ದರು.