ಉಡುಪಿ: ಒಟ್ಟಿಗೆ ಬುಲೆಟ್ ರೈಡ್ ಮಾಡಿದ ಪ್ರಮೋದ್ ಮಧ್ವರಾಜ್, ರಘುಪತಿ ಭಟ್

•   Sun, Jun 19 2022 01:39:42 PM



• ಉಡುಪಿ, ಜೂ 19 (DaijiworldNews/HR): ಒಂದು ಕಾಲದ ರಾಜಕೀಯ ಪ್ರತಿಸ್ಪರ್ಧಿಗಳಾದ ಮಾಜಿ ಶಾಸಕ ಪ್ರಮೋದ್ ಮಧ್ವರಾಜ್ ಮತ್ತು ಹಾಲಿ ಶಾಸಕ ರಘುಪತಿ ಭಟ್ ಅವರು ಜೂನ್ 19ರ ಭಾನುವಾರ ಬೆಳಗ್ಗೆ ಬೈಕ್ ರೌಂಡ್ಸ್ ಮಾಡಿದ್ದಾರೆ.

  ಗ್ರಾಮಾಂತರ ಬಿಜೆಪಿ ಘಟಕದ ವತಿಯಿಂದ ಇಂದು ಬ್ರಹ್ಮಾವರದಲ್ಲಿ ಬೈಕ್ ರ್‍ಯಾಲಿ ಹಮ್ಮಿಕೊಳ್ಳಲಾಗಿದ್ದು, ಉಡುಪಿ ಕ್ಷೇತ್ರದ ಮಾಜಿ ಹಾಗೂ ಹಾಲಿ ಶಾಸಕರು ಇಬ್ಬರೂ ಒಟ್ಟಿಗೆ ಬುಲೆಟ್ ರೈಡ್ ನಡೆಸಿದರು. ಶಾಸಕ ರಘುಪತಿ ಭಟ್ ಬುಲೆಟ್ ಚಲಾಯಿಸಿದರೆ, ಪ್ರಮೋದ್ ಮಧ್ವರಾಜ್ ಸಹ ಸವಾರರಾಗಿ ಹಿಂಬದಿಯ ಸೀಟಿನಲ್ಲಿ ಕುಳಿತರು.

  ಇನ್ನು ಪ್ರಮೋದ್ ಮಧ್ವರಾಜ್ ಮತ್ತು ರಘುಪತಿ ಭಟ್ ಬಾಲ್ಯದಲ್ಲಿ ಸಹಪಾಠಿಗಳಾಗಿದ್ದರು. ಆದರೆ ವರ್ಷಗಳಲ್ಲಿ ಅವರು ರಾಜಕೀಯ ಪ್ರತಿಸ್ಪರ್ಧಿಗಳಾಗಿ ಬದಲಾದರು. ಇತ್ತೀಚೆಗೆ ಪ್ರಮೋದ್ ಮಧ್ವರಾಜ್ ಬಿಜೆಪಿ ಸೇರಿದ್ದಾರೆ.