ಉಡುಪಿ: ಯಶ್ಪಾಲ್ ಸುವರ್ಣಗೆ ಜೀವ ಬೆದರಿಕೆ ಪ್ರಕರಣ - ಬಜ್ಪೆಯಲ್ಲಿ ಓರ್ವ ಅರೆಸ್ಟ್

•   Sat, Jun 18 2022 09:22:00 PM



• ಉಡುಪಿ, ಜೂ 18 (DaijiworldNews/HR): ಮಾರಿಗುಡಿ_06 ಎಂಬ ಹೆಸರಿನ ಇನ್‌ಸ್ಟಾಗ್ರಾಮ್ ಪೇಜ್ ಮೂಲಕ ಯಶ್ಪಾಲ್ ಸುವರ್ಣ ಅವರಿಗೆ ಜೀವ ಬೆದರಿಕೆ ಹಾಕಿದ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಜ್ಪೆ ಮೂಲದ ವ್ಯಕ್ತಿಯೊಬ್ಬನನ್ನು ಕಾಪು ಪೊಲೀಸರು ಬಂಧಿಸಿದ್ದಾರೆ.

  

  ಬಂಧಿತನನ್ನು ಮೊಹಮ್ಮದ್ ಶಾಫಿ ಎಂದು ಗುರುತಿಸಲಾಗಿದ್ದು, ಆತನನ್ನು 14 ದಿನಗಳ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.

  ಯಶಪಾಲ್ ಸುವರ್ಣ ಮತ್ತು ಪ್ರಮೋದ್ ಮುತಾಲಿಕ್ ವಿರುದ್ಧ ಶಾಫಿ ಕೊಲೆ ಬೆದರಿಕೆ ಸಂದೇಶ ಹಾಕಿದ್ದ.

  ಐಪಿ ವಿಳಾಸದ ಜಾಡು ಹಿಡಿದ ಕಾಪು ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ. ಶಾಫಿ ಸುರತ್ಕಲ್‌ನ ಲಾಜಿಸ್ಟಿಕ್ಸ್ ಕಂಪನಿಯಲ್ಲಿ ಲಾರಿ ಸೂಪರ್‌ವೈಸರ್ ಆಗಿ ಕೆಲಸ ಮಾಡುತ್ತಿದ್ದ ಎನ್ನಲಾಗಿದೆ.

  ಈ ಅಪರಾಧದಲ್ಲಿ ಶಾಫಿಗೆ ಸಹಾಯ ಮಾಡಿದ ಮೊಹಮ್ಮದ್ ಆಸಿಫ್ ಎಂಬ ಇನ್ನೊಬ್ಬ ವ್ಯಕ್ತಿಗಾಗಿ ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ.