ಕಾಂಗ್ರೆಸ್ ಶಾಸಕರು ಕೊಳಕು ರಾಜಕೀಯ ಮಾಡುವುದಿಲ್ಲ - ಸರ್ಕಾರ ಸುಭದ್ರವಾಗಿದೆ - ಡಿಕೆಶಿ

•   Tue, Jan 15 2019 01:20:10 PM



• ಬೆಂಗಳೂರು, ಜ 15 (MSP): ಆಪರೇಷನ್‌ ಕಮಲ ಭೀತಿಯಲ್ಲಿರುವ ಕಾಂಗ್ರೆಸ್‌ ಭಾರೀ ಪ್ರತಿತಂತ್ರಗಳನ್ನು ಹಣೆಯುತ್ತಿದ್ದು, ಅಸಮಾಧಾನಿತ ಶಾಸಕರನ್ನು ಉಳಿಸಿಕೊಳ್ಳಲು ಕಸರತ್ತು ನಡೆಸುತ್ತಿದೆ. ಆದರೆ ಈ ನಡುವೆ ಮೈತ್ರಿ ಸರ್ಕಾರವನ್ನು ಅಸ್ಥಿರಗೊಳಿಸಲು ಬಿಜೆಪಿ ಆಪರೇಷನ್ ಕಮಲ ನಡೆಸುತ್ತಿದೆ ಎಂಬ ವದಂತಿಗಳನ್ನು ಸಚಿವ ಡಿ.ಕೆ. ಶಿವಕುಮಾರ್​ ತಳ್ಳಿಹಾಕಿದ್ದಾರೆ.

  

  ನಮ್ಮೆಲ್ಲಾ ಶಾಸಕರು ನನಮ್ಮೊಂದಿಗೆ ಇದ್ದಾರೆ. ಅವರ ಕ್ಷೇತ್ರಗಳ ಜನರಿಗೆ ನಾವೇ ಜವಾಬ್ದಾರರು. ಕಾಂಗ್ರೆಸ್ ಶಾಸಕರು ಕೊಳಕು ರಾಜಕೀಯ ಮಾಡುವುದಿಲ್ಲ. ಹಾಗಿದ್ರೂ ಒಂದು ವೇಳೆ ನಮ್ಮ ಶಾಸಕರನ್ನು ಬಿಜೆಪಿಯವರು ಎಲ್ಲೇ ಅಡಗಿಸಿಟ್ಟಿದ್ದರೂ ನಾವು ಕರೆತರುತ್ತೇವೆ. ಆ ಶಕ್ತಿ ನಮಗೆ ಇದೆ ಎಂದು ಹೇಳಿದ್ದಾರೆ.

  ಈ ಸಂಕ್ರಾಂತಿಗೆ ರಾಜ್ಯದಲ್ಲಿ ಸಂ-ಕ್ರಾಂತಿಯಾಗಲಿದೆ ಎಂದು ಸುದ್ದಿಯಾಗಿತ್ತು. ಆದರೆ ಅದೆಲ್ಲ ಸುಳ್ಳು ,ನಮ್ಮ ಸರ್ಕಾರ ಸುಭದ್ರವಾಗಿದೆ. ಶಾಸಕರನ್ನು ತಮ್ಮ ಇಚ್ಛೆಯಂತೆ ಪ್ರಾಮಾಣಿಕವಾಗಿರಲು ಬಿಟ್ಟುಬಿಡಿ ಎಂದು ತಿಳಿಸಿದ್ದಾರೆ.