ಕೋಟ: ಅಪಘಾತದಲ್ಲಿ ಗಂಭೀರ ಗಾಯಗೊಂಡಿದ್ದ ವ್ಯಕ್ತಿ ಚಿಕಿತ್ಸೆ ಫಲಕಾರಿಯಾಗದೆ ಮೃತ್ಯು

•   Wed, Jun 15 2022 10:59:10 PM



• ಕೋಟ, ಜೂ 15 (DaijiworldNews/SM): ಇತ್ತೀಚಿಗೆ ನಡೆದ ಅಪಘಾತವೊಂದರಲ್ಲಿ ಗಂಭೀರವಾಗಿ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದ ವ್ಯಕ್ತಿಯೊಬ್ಬರು ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿರುವ ಬಗ್ಗೆ ವರದಿಯಾಗಿದೆ. ತೆಕ್ಕಟ್ಟೆ ಕಂಚಿಗಾರ್ ಬೆಟ್ಟು ಸುರೇಂದ್ರ ದೇವಾಡಿಗ(43) ಮೃತ ದುರ್ದೈವಿಯಾಗಿದ್ದಾರೆ.

  ಇತ್ತೀಚಿಗೆ ತೆಕ್ಕಟ್ಟೆ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಬೈಕ್ ಅವಗಡದಲ್ಲಿ ತಲೆಗೆ ತೀವ್ರ ತರಹದ ಗಾಯವಾಗಿದ್ದು ಉಡುಪಿಯ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ನಿಧನರಾದರು.

  ತೆಕ್ಕಟ್ಟೆ, ಕೋಟ ಪರಿಸರದಲ್ಲಿ ಕಿರು ಗುತ್ತಿಗೆ ಹಾಗೂ ಹಿಂದೂ ರುದ್ರಭೂಮಿ ನಿರ್ಮಾಣದ ಸ್ಪೇಷಲಿಸ್ಟ್ ಆಗಿ ಹೆಸರು ಪಡೆದಿದ್ದರು. ಹಲವು ಸಂಘಸಂಸ್ಥೆಗಳ ಸಾಮಾಜಿಕ ಚಟುವಟಿಕೆಯಲ್ಲಿ ತೋಡಗಿಕೊಂಡಿದ್ದರು. ಪತ್ನಿ, ಸಹೋದರ, ಸಹೋದರಿ, ತಂದೆ, ತಾಯಿಯನ್ನು ಅಗಲಿದ್ದಾರೆ.