ಮಂಗಳೂರು: ಫ‌ುಟ್ಪಾತ್‌ನಲ್ಲಿ ಮಲಗಿದ್ದವರ ಮೇಲೆ ಹರಿದ ಕಾರು: ಇಬ್ಬರು ಗಂಭೀರ

•   Mon, Jan 14 2019 11:34:11 AM



• ಮಂಗಳೂರು, ಜ 14 (MSP): ಹೂ ಮಾರಾಟಗಾರರ ಮೇಲೆ ಕಾರೊಂದು ಹರಿದು ಇಬ್ಬರು ಗಂಭೀರವಾಗಿ ಗಾಯಗೊಂಡ ಘಟನೆ ಭಾನುವಾರ ತಡರಾತ್ರಿ ಸಂಭವಿಸಿದೆ. ನಗರದ ಕೆಎಸ್ಆರ್ ಟಿಸಿ ಬಳಿಯ ಭಾರತ್‌ ಮಾಲ್‌ ಮುಂಭಾಗ ಈ ಘಟನೆ ನಡೆದಿದ್ದ ಅಪಘಾತದಿಂದ ಹೂ ವ್ಯಾಪಾರಿಗಳಾದ ಸಣ್ಣಪ್ಪ (೨೮) ರಾಜೇಶ್ (೩೫) ಎಂಬವರು ಗಂಭೀರವಾಗಿ ಗಾಯಗೊಂಡಿದ್ದಾರೆ.

  

  ಸಾಂದರ್ಭಿಕ ಚಿತ್ರ

  ಸಂಕ್ರಾಂತಿ ಹಬ್ಬದ ಹಿನ್ನಲೆಯಲ್ಲಿ ಹೊರ ಊರುಗಳಿಂದ ಬಂದಿರುವ ಹೂ ಮಾರಾಟ ಗಾರರು ವ್ಯಾಪಾರ ನಡೆಸಿ ಫ‌ುಟ್ಪಾತ್‌ ಮೇಲೆ ಮಲಗಿದ್ದಾರೆ. ಈ ವೇಳೆ ಕೆಪಿಟಿ ಕಡೆಯಿಂದ ಬಂದ
  KL 60 G 437 ಕಾರು ನಿಯಂತ್ರಣ ತಪ್ಪಿ ಏಕಾಏಕಿ ಅವರ ಮೇಲೇರಿದೆ ಎಂದು ತಿಳಿದು ಬಂದಿದೆ. ಗಾಯಾಳುಗಳನ್ನು ಎ.ಜೆ. ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಪೊಲೀಸರು ಕಾರನ್ನು ವಶಪಡಿಸಿಸಿಕೊಂಡಿದ್ದಾರೆ. ಬಂದರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ