ಮಂಗಳೂರಿನ ಮಹಿಳಾ ಪ್ರಾಧ್ಯಾಪಕಿ-ಬೆಂಗಳೂರು ವಿವಿ ವೈಸ್ ಚಾನ್ಸಿಲರ್

•   Fri, Jun 10 2022 07:22:24 PM



• ಮಂಗಳೂರು, ಜೂ 10 (DaijiworldNews/SM): ಬೆಂಗಳೂರು ವಿಶ್ವ ವಿದ್ಯಾಲಯದ ವೈಸ್ ಚಾನ್ಸಿಲರ್ ಆಗಿ ಮಂಗಳೂರು ಮೂಲದ ಮಹಿಳಾ ಪ್ರಾಧ್ಯಾಪಕಿಯೋರ್ವರನ್ನು ಆಯ್ಕೆಗೊಳಿಸಿ ರಾಜ್ಯಪಾಲ ತಾವರ್ ಚಂದ್ ಗೆಹ್ಲೋಟ್ ಆದೇಶ ಹೊರಡಿಸಿದ್ದಾರೆ.

  ಸಿಂತಿಯಾ ಮಿನೇಜಸ್ ಅವರನ್ನು ವೈಸ್ ಚಾನ್ಸಿಲರ್ ಆಗಿ ನೇಮಕ ಮಾಡಲಾಗಿದೆ. ಕರ್ನಾಟಕ ರಾಜ್ಯಪಾಲರಿಂದ ಅಧಿಕೃತ ಆದೇಶ ಹೊರಬಿದ್ದಿದೆ. ಈ ಹಿಂದೆ ವೈಸ್ ಚಾನ್ಸಿಲರ್ ಆಗಿದ್ದ ಡಾ. ವೇಣುಗೋಪಾಲ್ ಕೆ. ಆರ್. ಅವರು ನಿವೃತ್ತಿಗೊಂಡ ಹಿನ್ನೆಲೆಯಲ್ಲಿ ತೆರವಾದ ಸ್ಥಾನಕ್ಕೆ ಸಿಂತಿಯಾ ಅವರನ್ನು ನೇಮಿಸಿ ರಾಷ್ಟ್ರಪತಿ ಆದೇಶ ನೀಡಿದ್ದಾರೆ.

  ಸಿಂತಿಯಾ ಅವರು ಪ್ರಸ್ತುತ ಬೆಂಗಳೂರು ವಿವಿಯಲ್ಲಿ ಪ್ರಾಧ್ಯಾಪಕಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಡಿಪಾರ್ಟ್ ಮೆಂಟ್ ಆಫ್ ಮ್ಯಾನೇಜ್ ಮೆಂಟ್ ಸ್ಟಡೀಸ್ ವಿಭಾಗದಲ್ಲಿ ಪ್ರಾಧ್ಯಾಪಕರಾಗಿದ್ದಾರೆ. ಸಿಂತಿಯಾ ಅವರು ಮಂಗಳೂರು ವಿವಿಯ ವಿದ್ಯಾರ್ಥಿಯಾಗಿದ್ದರು. ಅಲ್ಲದೆ, ಬ್ಯಾಚುಲರ್ ಆಫ್ ಬಿಸ್ನೆಸ್ ಮ್ಯಾನೇಜ್ ಮೆಂಟ್ ಎಸ್ ಡಿಎಂ ನಲ್ಲಿ ಮುಗಿಸಿದ್ದರು. ಪ್ರಸ್ತುತ ಬೆಂಗಳೂರಿನಲ್ಲಿ ನೆಲೆಸಿದ್ದು, ತಮ್ಮ ವೃತ್ತಿ ಜೀವನ ಮುಂದುವರೆಸಿದ್ದಾರೆ.