ಕಾರ್ಕಳ: ಎಸ್‌ಎಸ್‌ಎಲ್‌ಸಿ ಮರು ಮೌಲ್ಯಮಾಪನ -ಕ್ರೈಸ್ಟ್‌ಕಿಂಗ್ ಪ್ರೌಢಶಾಲೆಯ ಅನನ್ಯಗೆ 625 ಅಂಕ

•   Thu, Jun 09 2022 09:52:46 PM



• ಕಾರ್ಕಳ, ಜೂ 09 (DaijiworldNews/HR): ಕ್ರೈಸ್ಟ್‌ಕಿಂಗ್ ಆಂಗ್ಲಮಾಧ್ಯಮ ಪ್ರೌಢಶಾಲೆಯ ವಿದ್ಯಾರ್ಥಿನಿ ಅನನ್ಯ ಎನ್.ಕೆ ಅವರು ಎಸ್‌ಎಸ್‌ಎಲ್‌ಸಿ ಮರು ಮೌಲ್ಯಮಾಪನದಲ್ಲಿ 625 ಅಂಕ ಗಳಿಸುವ ಮೂಲಕ ರಾಜ್ಯ ಮಟ್ಟದಲ್ಲಿ ಮೊದಲ ರ್‍ಯಾಂಕ್ ಪಡೆದುಕೊಂಡಿದ್ದಾರೆ.

  ಮೊದಲು ಫಲಿತಾಂಶದಲ್ಲಿ ಅವರಿಗೆ 624 ಅಂಕಗಳು ಲಭಿಸಿದ್ದು, ಮರು ಮೌಲ್ಯಮಾಪನಕ್ಕೆ ಅರ್ಜಿ ಹಾಕಿದ್ದು ಈಗ ಫಲಿತಾಂಶ ಪ್ರಕಟಗೊಂಡಿದೆ. ಅದರಲ್ಲಿ ವಿಜ್ಞಾನ ವಿಷಯದಲ್ಲಿ ಪೂರ್ಣ ಅಂಕ ಪಡೆಯುವುದರ ಮೂಲಕ ಕುಂಟಲ್ಪಾಡಿಯ ನಯನಕುಮಾರ್ ಹಾಗೂ ಭುವನೇಶ್ವರಿ ದಂಪತಿಯ ಪುತ್ರಿ ಅನನ್ಯ ಎನ್.ಕೆ ರಾಜ್ಯಕ್ಕೆ ಪ್ರಥಮ ಸ್ಥಾನ ತನ್ನದಾಗಿರಿಸಿದ್ದಾರೆ.

  ಇದೇ ಸಂಸ್ಥೆಯ ಇನ್ನೋರ್ವ ವಿದ್ಯಾರ್ಥಿ ರಾಯನ್ ಡಿಸೋಜ ಕೂಡಾ ಮರು ಮೌಲ್ಯಮಾಪನದಲ್ಲಿಇಂಗ್ಲೀಷ್ ವಿಷಯದಲ್ಲಿ 8 ಅಂಕಗಳನ್ನು ಹೆಚ್ಚು ಪಡೆದಿದ್ದು ಒಟ್ಟು ಅಂಕಗಳನ್ನು 623ಕ್ಕೆ ಏರಿಸಿಕೊಂಡಿದ್ದು, ರಾಜ್ಯ ಮಟ್ಟದಲ್ಲಿ ತೃತೀಯ ಸ್ಥಾನ ಪಡೆದಿದ್ದಾರೆ.

  ಮತ್ತೋರ್ವ ವಿದ್ಯಾರ್ಥಿನಿ ಸಾನ್ವಿ ಎ.ಎಸ್ ಕೂಡಾ ಮರುಮೌಲ್ಯಮಾಪನಕ್ಕೆ ಅರ್ಜಿ ಸಲ್ಲಿಸಿದ್ದು, ಈ ಮೊದಲು 605 ಅಂಕಗಳನ್ನು ಗಳಿಸಿದ್ದು ಈಗ 11 ಹೆಚ್ಚುವರಿ ಅಂಕಗಳನ್ನು ಪಡೆಯುವ ಮೂಲಕ ಒಟ್ಟು ಅಂಕಗಳು 616ಕ್ಕೆ ಏರಿಕೆಯಾಗಿದೆ.