ಮಂಗಳೂರು : ಟ್ರಾಫಿಕ್ ಪೊಲೀಸರ ಕೆಲಸ ಮಾಡಿ ಸರಳತೆ ಮೆರೆದ ಸಚಿವ ಯು.ಟಿ ಖಾದರ್

•   Sun, Jan 13 2019 02:10:49 PM



• ಮಂಗಳೂರು,ಜ 13(MSP): ಕಾರ್ಯಕ್ರಮ ನಿಮಿತ್ತ ವಾಹನದಲ್ಲಿ ತೆರಳುತ್ತಿದ್ದ ಸಚಿವ ಯು.ಟಿ ಖಾದರ್ ಅವರಿಗೆ ಪಂಪ್ ವೆಲ್ ಬ್ಲಾಕ್ ಸಮಸ್ಯೆ ಕಾಡಿತು . ತೊಕ್ಕೊಟ್ಟು ಪಂಪ್ ವೆಲ್ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸಂಪೂರ್ಣ ಟ್ರಾಫಿಕ್ ಜಾಮ್ ಆಗಿ ವಾಹನ ಸವಾರರು ಪರದಾಡುವ ಪರಿಸ್ಥಿತಿ ನಿರ್ಮಾಣವಾಗಿತ್ತು. ವಾಹನಗಳ ಮಧ್ಯೆ ಸಿಲುಕಿದ ಸಚಿವರು ತಾವೇ ಖುದ್ದು ರಸ್ತೆಗಿಳಿದು, ಟ್ರಾಫಿಕ್ ಪೊಲೀಸರ ಕೆಲಸ ಮಾಡಿ ಸರಳತೆ ಮೆರೆದರು.

  

  ಶನಿವಾರ ಮಂಗಳೂರಿನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಸಚಿವರು ಉಳ್ಳಾಲದತ್ತ ತೆರಳುತ್ತಿದ್ದರು. ಪಂಪ್ ವೆಲ್ ವೃತ್ತದ ಬಳ ಸಚಿವರ ಕಾರು ಇತರ ವಾಹನಗಳ ಮಧ್ಯೆ ಸಿಲುಕಿಕೊಂಡಿತು. ಈ ಭಾಗದಲ್ಲಿ ಒಂದಿಬ್ಬರು ಪೊಲೀಸರು ಮಾತ್ರ ಕರ್ತವ್ಯದಲ್ಲಿದ್ದು ವಾಹನ ಸಂಚಾರ ಸುಗಮಗೊಳಿಸಲು ಕಷ್ಟಪಡುವುದನ್ನು ಕಂಡ ಸಚಿವರು ಕಾರಿನಿಂದಿಳಿದು ವಾಹನಗಳನ್ನು ಕಳುಹಿಸಿ ಬ್ಲಾಕ್ ಸರಿಪಡಿಸುವ ಪ್ರಯತ್ನ ಮಾಡಿದರು.

  ಸುಮಾರು 15 ನಿಮಿಷ ರಸ್ತೆಯಲ್ಲೇ ಇದ್ದ ಖಾದರ್ ಗೆ ಆಪ್ತ ಸಹಾಯಕ ಮೊಹಮ್ಮದ್ ಲಿಬ್ಝೆತ್ ಸಾಥ್ ನೀಡಿದರು.