ಕಾಸರಗೋಡು: ರಸ್ತೆ ಬದಿಯ ಗೋಡೆಗೆ ಗುದ್ದಿದ ಶಾಲಾ ಬಸ್-12 ವಿದ್ಯಾರ್ಥಿಗಳಿಗೆ ಗಾಯ

•   Wed, Jun 08 2022 05:45:39 PM



• ಕಾಸರಗೋಡು, ಜೂ 08 (DaijiworldNews/DB): ಚಾಲಕನ ನಿಯಂತ್ರಣ ತಪ್ಪಿ ಶಾಲಾ ಬಸ್ ರಸ್ತೆ ಬದಿಯ ಗೋಡೆಗೆ ಗುದ್ದಿದ ಪರಿಣಾಮ 12 ಮಂದಿ ವಿದ್ಯಾರ್ಥಿಗಳು ಗಾಯಗೊಂಡ ಘಟನೆ ಬುಧವಾರ ಮುಂಜಾನೆ ಸೀತಾಂಗೋಳಿ ಸಮೀಪದ ಗುಣಾಜೆಯಲ್ಲಿ ನಡೆದಿದೆ.

  ಸೂರಂಬೈಲ್‌ನ ಖಾಸಗಿ ಆಂಗ್ಲ ಮಾಧ್ಯಮ ಶಾಲೆಯ ಬಸ್ ಬೆಳಗ್ಗೆ ಮಕ್ಕಳನ್ನು ಕರೆ ತರುತ್ತಿದ್ದ ವೇಳೆ ಅಪಘಾತಕ್ಕೀಡಾಗಿದೆ.

  ಬಸ್‌ನಲ್ಲಿದ್ದ ಮುಮ್ತಾಸಿರ್, ಮುನವ್ವರ್, ಮರಿಯಾ ನೌಫಾ ಸೇರಿದಂತೆ 12 ಮಂದಿ ವಿದ್ಯಾರ್ಥಿಗಳು ಗಾಯಗೊಂಡಿದ್ದಾರೆ. ಗಾಯಾಳುಗಳನ್ನು ಕಾಸರಗೋಡು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.